ധർമ്മപുരി : നടൻ ഷൈൻ ടോം ചാക്കോയും കുടുംബവും സഞ്ചരിച്ച വാഹനം അപകടത്തിൽപ്പെട്ടു. ഷൈനിന്റെ പിതാവ് മരിച്ചു. ഷൈനിനും മാതാവിനും പരിക്കുണ്ട്. ഇന്ന് പുലര്ച്ചെയോടെ തമിഴ്നാട്ടിലെ ധർണപുരിക്ക് സമീപമാണ് അപകടം ഉണ്ടായത്. ലോറിക്ക് പിന്നിൽ ഷൈനിന്റെ കാർ ഇടിച്ചു കയറുകയായിരുന്നു.
ഷൈനിന്റെ ചികിത്സാര്ഥം ബെംഗളൂരുവിലേക്ക് പോവുകയായിരുന്നു കുടുംബം. ഷൈനിന്റെ വലത് കൈക്ക് ഒടിവ് സംഭവിച്ചിട്ടുണ്ട്. ഇരുവരുടെയും പരിക്ക് ഗുരുതരമല്ല. കാറിന്റെ മുൻ സീറ്റിലായിരുന്നു ചാക്കോ ഇരുന്നത്. ഷെെൻ ഏറ്റവും പിൻസീറ്റിൽ കിടന്നുറങ്ങുകയായിരുന്നു.
അമ്മയുടെയും സഹോദരന്റെയും ഡ്രെെവറുടെ പരിക്ക് നിസാരമെന്നാണ് വിവരം. ഇന്നലെ രാത്രി 10 മണിയോടെയാണ് കുടുംബം കൊച്ചിയിൽ നിന്നും യാത്ര തിരിച്ചത്. തൊടുപുഴയിലെ ചികിത്സ പൂർത്തിയാക്കിയ ശേഷം ചികിത്സ ബെംഗളൂരുവിലേക്ക് മാറ്റിയിരുന്നു.
നടൻ ഷൈൻ ടോം ചാക്കോയുടെ വാഹനം അപകടത്തിൽപ്പെട്ടു… പിതാവിന് ദാരുണാന്ത്യം… ഷൈനിനും പരിക്ക്
