ജമ്മു കശ്മീരിലെ പഹല്ഗാമില് വിനോദസഞ്ചാരികള്ക്കു നേരെയുണ്ടായ ഭീകരാക്രമണത്തില് 27 പേര് കൊല്ലപ്പെട്ടതായി സ്ഥിരീകരിക്കാത്ത റിപ്പോര്ട്ടുകള്. രാജസ്ഥാനില് നിന്നെത്തിയ വിനോദസഞ്ചാരികള്ക്കാണ് പരുക്കേറ്റത്. ഭീകരാക്രമണത്തിന്റെ പശ്ചാത്തലത്തിൽ പ്രധാനമന്ത്രി നരേന്ദ്ര മോദി ആഭ്യന്തര മന്ത്രി അമിത് ഷായുമായി ഫോണിൽ ചർച്ച നടത്തി. ഉചിതമായ എല്ലാ നടപടികളും സ്വീകരിക്കണമെന്നും ഭീകരാക്രമണം നടന്ന സ്ഥലം സന്ദർശിക്കണമെന്നും പ്രധാനമന്ത്രി ആവശ്യപ്പെട്ടു. അമിത് ഷാ കശ്മീരിലേക്ക് പുറപ്പെട്ടിട്ടുണ്ട്. രണ്ട് ദിവസത്തെ സൗദി സന്ദർശനത്തിലാണ് പ്രധാനമന്ത്രി.
ജമ്മുകശ്മീരില് 2019ന് ശേഷം നടക്കുന്ന ഏറ്റവും വലിയ ഭീകരാക്രമണമാണ് പഹല്ഗാമില് നടന്നത്.അതേസമയം, ആക്രമണം നടത്തിയത് ചില പാകിസ്ഥാന് ഭീകരരാണെന്ന് ബിജെപി നേതാവ് രവീന്ദര് റെയ്ന പറഞ്ഞു. പഹല്ഗാമം ഭീകരാക്രമണത്തില് അപലപിച്ച് മുന് മുഖ്യമന്ത്രി മെഹബൂബ മുഫ്തിയും രംഗത്തെത്തി.
വിനോദസഞ്ചാരികള്ക്ക് നേരെ ഭീകരാക്രമണം.. 27 പേര് കൊല്ലപ്പെട്ടതായി വിവരം.. കേന്ദ്ര ആഭ്യന്തര മന്ത്രി അമിത് ഷാ കശ്മീരിലേക്ക്…
