പുതുക്കോട്ട : തമിഴ്നാട്ടിൽ വാഹനാപകടത്തിൽ അഞ്ച് ശബരിമല തീര്ത്ഥാടകര് മരിച്ചു
ഒരു സ്ത്രീയടക്കമുള്ള അഞ്ച് പേരാണ് മരിച്ചത്. 19 പേര്ക്ക് പരിക്കേറ്റു.
ഇന്ന് പുലർച്ചെ പുതുക്കോട്ടയിലെ ചായക്കടയിലേക്ക് ലോറി പാഞ്ഞുകയറിയാണ് അപകടം ഉണ്ടായത്.
തിരുവള്ളൂര് സ്വദേശികളാണ് അപകടത്തിൽ മരിച്ചവരെന്നാണ് വിവരം. മൂന്ന് വാഹനങ്ങളിലായി സഞ്ചരിച്ച തീര്ത്ഥാടകരാണ് അപകടത്തിൽ പെട്ടത്. മൃതദേഹങ്ങൾ ആശുപത്രിയിലേക്ക് മാറ്റി. പരിക്കേറ്റവര് ചികിത്സയിലാണ്.
പുതുക്കോട്ടയിൽ നിന്ന് അരിയാലൂരിലേക്ക് പോവുകയായിരുന്ന സിമന്റ് ലോറിയാണ് നിയന്ത്രണം വിട്ട് ചായക്കടയിലേക്കും സമീപത്തുണ്ടായിരുന്ന കാറിലും വാനിലും ഇടിച്ചുകയറിയത്.
ഈ രണ്ട് വാഹനങ്ങളിലും അയ്യപ്പ ഭക്തരാണ് ഉണ്ടായിരുന്നത്. ചായക്കടയിൽ ചായ കുടിച്ചുകൊണ്ടിരുന്നവരും വാഹനത്തിലുണ്ടായിരുന്നവരുമാണ് അപകടത്തില്പ്പെട്ടത്.
തമിഴ്നാട്ടിൽ വാഹനാപകടത്തിൽ അഞ്ച് ശബരിമല തീര്ത്ഥാടകര് മരിച്ചു
