കോന്നി : ഹാൻഡ് ബ്രേക്ക് ഇട്ടു നിർത്തിയിട്ട കെഎസ്‌ആർടിസി ബസ് ഉരുണ്ട് ഹോട്ടലിലേക്ക് ഇടിച്ചു കയറി.
പത്തനംതിട്ട കോന്നിയിലാണ് അപകടമുണ്ടായത്.
സ്റ്റാർട്ട് ചെയ്ത് ഹാൻഡ് ബ്രേക്കിട്ട് നിർത്തിയിരുന്ന കെഎസ്‌ആർടിസി ബസാണ് ഉരുണ്ട് റോഡിന് എതിർ ദിശയിലെ ഹോട്ടലിലേക്ക് ഇടിച്ചു കയറിയത്. ബസ് ഉരുണ്ടു വരുന്ന സമയം അതിന് മുമ്പിൽ കൂടി ഒരു ഇരുചക്ര വാഹനം കടന്നുപോയി. ഭാഗ്യം കൊണ്ട് നടിച്ചില്ല.
കോന്നി – ഊട്ടുപാറ സർവീസ് നടത്തുന്ന ബസാണ് അപകടത്തില്‍പെട്ടത്. കെഎസ്‌ആർടിസി ഓപ്പറേറ്റിംഗ് സെന്‍ററില്‍ നിന്നാണ് ബസ് ഉരുണ്ട് പുറത്തേക്ക് വന്നത്. നടപ്പാതയിലെ കൈവരിയും ഇലക്‌ട്രിക് പോസ്റ്റും ഇടിച്ചിട്ട വാഹനം ഹോട്ടലിന്‍റെ മുൻവശത്തെ ക്യാബിനും തകർത്താണ് നിന്നത്. അപകടത്തില്‍ ബസിന്‍റെ മുൻവശത്തെ ചില്ലും തകർന്നു.
കെഎസ്‌ആർടിസി ബസ് തനിയെ ഉരുണ്ട് ഹോട്ടലിലേക്ക് ഇടിച്ചു കയറി
