കേന്ദ്ര സഹായം വൈകുന്നതിൽ പ്രതിഷേധിച്ച് വയനാട്ടിൽ 19 ന് എൽഡിഎഫ് – യുഡിഎഫ് ഹർത്താൽ

കല്പറ്റ : വയനാടിനുള്ള കേന്ദ്രസഹായം വൈകുന്നതിനെതിരെ  നവംബർ 19 ന് വയനാട്ടിൽ എൽഡിഎഫ് – യുഡിഎഫ് മുന്നണികൾ ഹർത്താൽ പ്രഖ്യാപിച്ചു.

ഉരുൾപൊട്ടലിൽ 450 ലേറെ പേർ മരിക്കുകയും കോടിക്കണക്കിന് രൂപയുടെ നാശനഷ്ടം സംഭവിക്കുകയും ചെയ്തിട്ടും ദേശീയ ദുരന്തമായി പ്രഖ്യാപിക്കാത്ത കേന്ദ്ര നടപടിയിൽ പ്രതിഷേധിച്ചാണ് ഹർത്താൽ.

നവംബർ 19 ന് രാവിലെ ആറ് മുതൽ വൈകിട്ട് ആറ് വരെയാണ് ഹർത്താൽ. അവശ്യ സർവീസുകളെ ഹർത്താലിൽ നിന്ന് ഒഴിവാക്കിയിട്ടുണ്ട്.