പുതുപ്പള്ളി: വാകത്താനത്ത് അന്താരാഷ്ട നിലവാരമുള്ള ഫുട്‌ബോള്‍ അക്കാഡമി ഉടന്‍ യാഥാര്‍ത്ഥ്യമാകുമെന്ന് ചാണ്ടി ഉമ്മന്‍ എംഎല്‍എ . കനേഡിയന്‍ സ്ഥാപനവുമായി ഇക്കാര്യത്തില്‍ ധാരണയില്‍ എത്തിയതായി അദ്ദേഹം പറഞ്ഞു.
തൃക്കോതമംഗലത്ത് കേരള ആര്‍ട്‌സ് അക്കാഡമിയുടെ വിജയദശമി ആഘോഷങ്ങള്‍ ഉദ്ഘാടനം ചെയ്യുകയായിരുന്നു ചാണ്ടി ഉമ്മന്‍ .
ഉമ്മന്‍ചാണ്ടി ട്രസ്റ്റിന് ലഭിച്ച സ്ഥലത്തായിരിക്കും അക്കാദമി നിലവില്‍ വരുക. ഫുട്‌ബോളിനു പുറമെ മറ്റ് ചില കായിക ഇനങ്ങല്‍ കൂടി ഉള്‍പ്പെടുത്തുന്നതിനുള്ള ചര്‍ച്ചകളും നടക്കുന്നുണ്ടെന്ന് ചാണ്ടി ഉമ്മന്‍ പറഞ്ഞു.
കാലാ കായിക രംഗത്ത് മുകവുള്ളവരുടെ നിരയെ സൃഷ്ടിക്കുക എന്നതാണ് ഒരു നാടിന്റെ പുരോഗതിയുടെ അടി്സ്ഥാനമായി വേണ്ടത്. ഏ ഐ കാലഘട്ടത്തിലെ കുട്ടികളെ നേരായ വഴിയിലേയ്ക്ക് നയിക്കുക ഏറെ പ്രയാസകരമായ കാര്യമാണ്. കേരള ആര്‍ട്‌സ് അക്കാഡമി ഇക്കാര്യത്തില്‍ നടത്തിവരുന്ന പ്രവര്‍ത്തനങ്ങള്‍ അഭിന്ദനാര്‍ഹമാണ്. നിരവധി കലാകാരന്മാരെ സൃ്ഷ്ടിക്കുന്നതിനൊപ്പം മയക്കുമരുന്നുപോലുള്ള വിപത്തിനെതിരായ ബോധവല്‍ക്കരണപദ്ധതികളും ആവിഷ്‌ക്കരിച്ച് നടപ്പിലാക്കുന്നത് മാതൃകാപരമാണ് – ചാണ്ടി ഉമ്മന്‍ പറഞ്ഞു. വിവിധ മേഖലയില്‍ വിജയം വരിച്ച കുട്ടികള്‍ക്കുള്ള പുരസക്കാരവും അദ്ദേഹം വിതരണം ചെയ്തു.
യാക്കോബായ സുറിയാനി സഭ കോട്ടയം ഭദ്രാസനാധിപന്‍ തോമസ് മാര്‍ തിമോത്തിയോസ് മെത്രാപ്പോലീത്ത അനുഗ്രഹ പ്രഭാഷണം നടത്തി. കലാകാരന്മാരെ നാടിന്റെ നന്മയുടെ പ്രതീകമായി കാണണമെന്ന് അദ്ദേഹം പറഞ്ഞു.
അക്കാഡമി ഡയറക്ടര്‍ സുനില്‍ പാറക്കാട് അധ്യക്ഷം വഹിച്ചു. പ്രിന്‍സിപ്പല്‍ സ്വപ്‌ന സുനില്‍ സ്വാഗതം പറഞ്ഞു
