പേരാമ്പ്ര : അഞ്ചാം പീടികയില്‍ അമ്മയും പിഞ്ചുകുഞ്ഞും കിണറ്റില്‍ വീണ് മരിച്ച നിലയില്‍. അഞ്ചാംപീടിക ഇല്ലത്തും മീത്തലകുട്ടി കൃഷ്ണൻ്റെ മകള്‍ ഗ്രീഷ്മ (36) യും മൂന്നു മാസം പ്രായമുള്ള പെണ്‍ കുഞ്ഞുമാണ് വീടിന് തൊട്ടടുത്ത കിണറ്റില്‍ വീണ് മരിച്ച നിലയില്‍ കണ്ടത്.
വീട്ടുകാരുടെ ബഹളം കേട്ട് ഓടിയെത്തിയ നാട്ടുകാരും പേരാമ്പ്ര ഫയർഫോഴ്സും ഇരുവരെയും പുറത്തെടുത്ത് കൊയിലാണ്ടി താലൂക്ക് ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല.
ഗ്രീഷ്മ കുഞ്ഞിനെയും എടുത്ത് കിണറ്റില്‍ ചാടുകയായിരുന്നു എന്ന് കരുതുന്നു.
വിവാഹം കഴിഞ്ഞ് ഏറെ വർഷങ്ങള്‍ക്ക് ശേഷമാണ് കുഞ്ഞ് പിറന്നത്. പ്രസവശേഷം ഭർത്താവിന്റെ വീട്ടിലേക്ക് പോകാനൊരുങ്ങവെയാണ് സംഭവം.
കുഞ്ഞിനെ നാട്ടുകാരാണ് പുറത്തെടുത്തത് ഗ്രീഷ്മയെ പേരാമ്പ്രയില്‍ നിന്നെത്തിയ അനിരക്ഷാസേനയാണ് പുറത്തെടുത്തത്.
പേരാമ്പ്രയില്‍ അമ്മയും പിഞ്ചുകുഞ്ഞും കിണറ്റില്‍ വീണ് മരിച്ച നിലയിൽ
