കൊല്ലം : നടനും എംഎല്എയുമായ മുകേഷിനെതിരെ കാസ്റ്റിംഗ് സംവിധായികയുമായ ടെസ് ജോസഫ് ആരോപണം ഉന്നയിച്ചതിന് പിന്നാലെ പ്രതിഷേധം ശക്തമാക്കി യൂത്ത് കോണ്ഗ്രസ് .
മുകേഷിന്റെ കൊല്ലത്തെ വീട്ടിലേക്ക് യൂത്ത് കോണ്ഗ്രസ് പ്രതിഷേധ മാര്ച്ച് നടത്തി. മുകേഷ് എംഎല്എ സ്ഥാനം രാജിവെക്കണം എന്നാവശ്യപ്പെട്ടാണ് യൂത്ത് കോണ്ഗ്രസ് പ്രതിഷേധം സംഘടിപ്പിച്ചത്. പൊലീസ് ബാരിക്കേഡ് വെച്ച് പ്രതിഷേധം തടഞ്ഞു.
പ്രതിഷേധ സാഹചര്യം കണക്കിലെടുത്ത് മുകേഷിന്റെ വീടിന് പൊലീസ് സംരക്ഷണം ഏര്പ്പെടുത്തുകയും മുകേഷിനെ വീട്ടില് നിന്നും മാറ്റുകയും ചെയ്തിരുന്നു.
കോടീശ്വരന് പരിപാടിയുടെ അവവതാരകനായിരുന്ന മുകേഷ് ഹോട്ടല് റൂമിലെ ഫോണില് വിളിച്ച് നിരന്തരം ശല്യപ്പെടുത്തുമായിരുന്നുവെന്നാണ് ടെസ് ആരോപിച്ചിരുന്നത്. വഴങ്ങാതെ വന്നപ്പോള് മുകേഷിന്റെ മുറിയ്ക്കടുത്തേക്ക് തന്നെ മാറ്റി എന്നും ടെസ് പറഞ്ഞിരുന്നു. പരിപാടിയുടെ അണിയറപ്രവര്ത്തകയായിരുന്നു ടെസ്. തന്റെ ബോസ് ആണ് തന്നെ ഇതില് നിന്ന് രക്ഷിച്ചതെന്നും ടെസ് പറഞ്ഞു
