വൈക്കം : ടെറസിൽ ഹൈടെക് കൃഷിയിറക്കി നൂറുമേനി വിളവെടുത്ത വൈക്കം തെക്കേനട ഇന്ദ്രാ നിവാസിൽ സി.രമേശിന് പുരസ്കാരം.
വൈക്കത്ത് നടന്ന കർഷക ദിനാഘോഷത്തിൽ വച്ചാണ് ആദരവ് ലഭിച്ചത്. വൈക്കത്തെ കൃഷിഭവൻ്റെ ആഭിമുഖ്യത്തിൽ നടന്ന കർഷകർക്കുള്ള പുരസ്കാര വിതരണം വൈക്കം എംഎൽഎ സി.കെ.ആശ നിർവഹിച്ചു.
ഏറെക്കാലമായി വിവിധ രീതിയിൽ ടെറസിലെ കൃഷിരീതികൾ പരീക്ഷിച്ച് കൊണ്ടിരിക്കുകയായിരുന്നു. പ്രത്യേകിച്ച് ലക്ഷ്യമൊന്നുമില്ലാതെ നടത്തിയ കൃഷിയുടെ വിജയം വൈക്കം കൃഷിഭവനിലെ ഉദ്യോഗസ്ഥരാണ് തിരിച്ചറിഞ്ഞത്.
സ്പെഷ്യൽ റൂഫിംഗിലൂടെ വെളിച്ചവും സംരക്ഷണവും ഒരു പോലെ ലഭിക്കും വിധമാണ് കൃഷി രീതി. ഡ്രിപ്പ് ഇറിഗേഷനും, സോയിൽ ബക്കറ്റ്, ഓട്ടോമാറ്റിക് സോയിൽ മാനേജ്മെൻ്റ് എല്ലാം ചേർത്തുകൊണ്ട് മുളക്, കാന്താരി, വെണ്ട, വഴുതന, ചീര, പാവക്ക, കുമ്പളം, മത്തൻ, ഇഞ്ചി, പയറുകൾ, തുടങ്ങിയ വിളവുകളാണ് ലഭിച്ചത്.
സി. രമേശിനെ കൂടാതെ
ഉണ്ണികൃഷ്ണൻ ചോതി കോവിലകം,
പത്മ നെടിയറയിൽ, തെരേസ ഉലഹന്നാൻ,
സിജിമോൻ വി കൃഷിക്കളം കൃഷിക്കൂട്ടം,
രാജു ആരവേലിൽ,
രാജലക്ഷ്മി മുട്ടത്തിത്തറയിൽ,
സെവൻസ് ഫ്രണ്ട് ഗ്രൂപ്പ്, ജയ നാരായണൻ വൈക്കം, ഹരികുമാർ വൈക്കം,അനുശ്രീ കുമാർ , വി ബാബു എന്നിവരെയും കൃഷിഭവനും നഗരസഭയും ചേർന്ന് കർഷക ദിനത്തിൽ ആദരിച്ചു.
ടെറസിൽ നൂറുമേനി ഹൈടെക് കൃഷിയിറക്കിയ സി. രമേശിന് പുരസ്കാരം
