മരത്തിന്റെ ശിഖരം മുറിക്കുന്നതിനിടെ താഴെവീണ് മധ്യവയസ്കന് ദാരുണാന്ത്യം

രാജാക്കാട് : മരത്തിൽ നിന്ന് വീണ് മധ്യവയസ്കൻ മരണപ്പെട്ടു. ശാന്തൻപാറയ്ക്ക് സമീപം പള്ളിക്കുന്നിലാണ് സംഭവം. കവിതാ ഭവനിൽ ദുരൈ (55) ആണ് മരിച്ചത്.

കർഷക തൊഴിലാളിയായ ദുരൈ പള്ളിക്കുന്നിന് സമീപമുള്ള ഏലത്തോട്ടത്തിൽ മരത്തിൻ്റെ ശിഖരം മുറിക്കുന്നതിനിടെയാണ് അപകടം സംഭവിച്ചത്. മരത്തിൽ നിന്ന് താഴെ വീണ് ഗുരുതര പരിക്കേറ്റ ദുരൈ തർക്ഷണം മരിച്ചു. മൃതദേഹം അടിമാലി താലൂക്കാശുപത്രിയിലേക്ക് മാറ്റി. പോസ്റ്റ്മോർട്ടനടപടികൾക്ക് ശേഷം മൃതദേഹം ഇന്ന് ബന്ധുക്കൾക്ക് വിട്ടു നൽകും. ഭാര്യ: കവിത, മക്കൾ: കവിദാസ്, രാജേഷ്.