തിരുവനന്തപുരം: ബംഗാള് ഉള്ക്കടലില് ന്യൂനമര്ദ്ദം രൂപപ്പെട്ടു. കാലവര്ഷക്കാറ്റ് കൂടി ശക്തി പ്രാപിച്ചതിനാല് കേരളത്തില് അടുത്ത അഞ്ചുദിവസം അതിശക്തമായ മഴയ്ക്കും ഇന്ന് അതിതീവ്രമഴയ്ക്കും സാധ്യതയുള്ളതായി കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കി.
മധ്യ പടിഞ്ഞാറന് ബംഗാള് ഉള്ക്കടലില് ഒഡിഷ തീരത്താണ് ന്യൂനമര്ദ്ദം രൂപപ്പെട്ടത്. വടക്കന് കേരള തീരം മുതല് തെക്കന് ഗുജറാത്ത് തീരം വരെ ന്യൂനമര്ദ പാത്തിയും സ്ഥിതി ചെയ്യുന്നുണ്ട്. ഇതിന്റെയെല്ലാം സ്വാധീനഫലമായി കേരളത്തില് അടുത്ത അഞ്ചു ദിവസം വ്യാപകമായി ഇടിമിന്നലോട് കൂടിയ മഴയ്ക്ക് സാധ്യതയുണ്ടെന്നാണ് കാലാവസ്ഥ വകുപ്പിന്റെ മുന്നറിയിപ്പില് പറയുന്നത്. മഴയ്ക്കൊപ്പം കാറ്റിനും സാധ്യതയുള്ളതിനാല് ജാഗ്രത പാലിക്കണം.
ബംഗാള് ഉള്ക്കടലില് ന്യൂനമര്ദ്ദം; അഞ്ച് ദിവസം മഴ, മൂന്ന് ജില്ലകളില് റെഡ് അലര്ട്ട്
