വെള്ളറട : ബൈക്കിന്റെ ഉടമയെ മര്‍ദ്ദിച്ച ശേഷം ബൈക്കുമായി കടന്ന സംഘത്തിലെ രണ്ടുപേര്‍ പോലീസ് പിടിയിലായി. കന്യാകുമാരി ജില്ലയിലെ മൂവോട്ട്‌കോണം കൈതക്കുഴി വീട്ടില്‍ വിനോദ് (30) പളുകല്‍ ഇവാന്‍സില്‍ ശാലിന്‍ പ്രിന്‍സ് (35) എന്നിവരാണ് പോലീസിന്റെ പിടിയിലായത്.
പന്നിമല സ്വദേശി സജിയുടെ ബൈക്കാണ് നാലംഗ സംഘം കവര്‍ന്നത്. നാലംഗ സംഘം സജിയെ മര്‍ദ്ദിച്ച ശേഷം കാരമൂട്ടില്‍ നിന്നും മാർച്ച് 28ന് ബുള്ളറ്റുമായി കടന്നുകളയു കയായിരുന്നു . അതില്‍ രണ്ടുപേരാണ് പോലീസിന്റെ വലയിലായത്.
ശേഷിക്കുന്ന രണ്ടു പേര്‍ക്കായി് പോലീസ് തിരച്ചില്‍ ശക്തമാക്കിയിട്ടുണ്ട്. ബൈക്കുമായി കടന്ന സംഘം ഒളിവില്‍ ആയിരുന്നു .ശേഷിക്കുന്നവര്‍ ഉടന്‍ പിടിയില്‍ ആകുമെന്ന് പോലീസ് പറഞ്ഞു
