തിരുവനന്തപുരം : ഡ്രൈവര്ക്ക് ഹൃദയാഘാതം ഉണ്ടായതിനെ തുടര്ന്ന് ആറ്റിങ്ങലില് സ്കൂള് ബസ് മതിലില് ഇടിച്ച് അപകടം. ആറ്റിങ്ങല് മദര് ഇന്ത്യ സ്കൂളിന്റെ ബസാണ് അപകടത്തില്പ്പെട്ടത്. ഡ്രൈവര്ക്ക് ഹൃദയാഘാതം ഉണ്ടായതിനെ തുടര്ന്നാണ് അപകടമുണ്ടായതെന്നാണ് സൂചന. പിന്നാലെ ഡ്രൈവര് മരിച്ചു.
താല്ക്കാലിക ബസ് ഡ്രൈവറായ മുരളീധരന് പിള്ളയാണ് മരിച്ചത്. സ്കൂൾ ബസ് മതിലിൽ ഇടിച്ചുണ്ടായ അപകടത്തില് രണ്ട് വിദ്യാര്ത്ഥികള്ക്ക് പരിക്കേറ്റു. കുട്ടികളുടെ പരിക്ക് സാരമുള്ളതല്ല.
കുട്ടികളുമായി ചിറയിന്കീഴ് മുട്ടപ്പലം ഭാഗത്തേക്ക് പോകുമ്പോഴായിരുന്നു അപകടമുണ്ടായത്. ആയയും അഞ്ചുകുട്ടികളുമായിരുന്നു ബസില് ഉണ്ടായിരുന്നത്. സ്ഥിരമായുള്ള ഡ്രൈവറിന് സുഖമില്ലാഞ്ഞതിനെ തുടർന്ന് കഴിഞ്ഞ ഒരാഴ്ചയായി പകരത്തിന് എത്തിയതായിരുന്നു മുരളീധരന് പിള്ള.
