കൊച്ചി: മൂന്നാഴ്ച കൊണ്ട് 11,000 രൂപ ഇടിഞ്ഞ സ്വര്ണവിലയില് ഇന്ന് നേരിയ മുന്നേറ്റം. പവന് 200 രൂപയാണ് വര്ധിച്ചത്. 1,03,840 രൂപയാണ് ഒരു പവന് സ്വര്ണത്തിന്റെ വില. ഗ്രാമിന് ആനുപാതികമായി 25 രൂപയാണ് കൂടിയത്. 12,980 രൂപയാണ് ഒരു ഗ്രാം സ്വര്ണത്തിന്റെ വില.
യുഎസ് ഫെഡറല് റിസര്വ് പലിശനിരക്ക് വര്ധിപ്പിച്ചേക്കുമെന്ന റിപ്പോര്ട്ടുകള് അടക്കമുള്ള വിഷയങ്ങളാണ് സ്വര്ണവിലയെ സ്വാധീനിക്കുന്നത്. വിലക്കയറ്റം നിയന്ത്രിക്കുന്നതിന് യുഎസ് ഫെഡറല് റിസര്വ് പലിശനിരക്ക് കൂട്ടുമെന്നാണ് റിപ്പോര്ട്ടുകള് വ്യക്തമാക്കുന്നത്. ഫെഡറല് റിസര്വ് പലിശനിരക്ക് കൂട്ടിയാല് സ്വര്ണത്തിന്റെ ആകര്ഷണം കുറയുമെന്നാണ് വിദഗ്ധര് ചൂണ്ടിക്കാണിക്കുന്നത്.
ഇതാണ് പ്രധാനമായി കഴിഞ്ഞദിവസങ്ങളില് സ്വര്ണവില കുറയാന് ഇടയാക്കിയത്. ഈ മാസത്തിന്റെ തുടക്കത്തില് 1,14,560 രൂപയായിരുന്നു ഒരു പവന് സ്വര്ണത്തിന്റെ വില. നിലവില് പവന് 11,000 രൂപയാണ് കുറഞ്ഞത്.
