തിരുവനന്തപുരം : നിയമസഭ തെരഞ്ഞെടുപ്പില് കനത്ത പരാജയമേറ്റു വാങ്ങിയെങ്കിലും എല്ഡിഎഫിന് തിരിച്ചുവരാന് സിപിഎം നേതാവ് പിണറായി വിജയന് തന്നെ പ്രതിപക്ഷ നേതാവാകണമെന്ന് പാര്ട്ടിയില് ഭൂരിപക്ഷ അഭിപ്രായം. ശക്തമായ ഭരണപക്ഷത്തെ നേരിടാന് പിണറായി വിജയന് തന്നെ പ്രതിപക്ഷ നേതാവാകണമെന്നാണ് സിപിഎമ്മിലെ ഭൂരിപക്ഷം നേതാക്കളും അഭിപ്രായപ്പെട്ടതെന്നാണ് റിപ്പോര്ട്ടുകള് വ്യക്തമാക്കുന്നത്.
തോല്വിയുടെ പേരില് നേതൃത്വം ഒഴിയേണ്ടതില്ലെന്നും തിരിച്ചുവരവിന് പിണറായി അനിവാര്യമാണെന്നുമാണ് നേതാക്കള് പറയുന്നത്. ഇത്തരത്തില് പാര്ട്ടിയില് ചര്ച്ചകള് സജീവമാണെന്നാണ് റിപ്പോര്ട്ടുകള് വ്യക്തമാക്കുന്നത്. കഴിഞ്ഞ മൂന്ന് പതിറ്റാണ്ട് കാലം പാര്ട്ടിയെ നയിച്ചത് പിണറായി വിജയന് ആണ്. ഇതില് പത്തു വര്ഷം മുഖ്യമന്ത്രിയായാണ് പാര്ട്ടിയെ നയിച്ചത്. ഇപ്പോള് ഒരു തോല്വിയുടെ പേരില് പിണറായി വിജയന് മാറി നില്ക്കേണ്ടതില്ലെന്നാണ് നേതാക്കള് പറയുന്നത്. അത്തരത്തില് മാറിനിന്നാല് തോല്വിയുടെ മുഴുവന് ഉത്തരവാദി ത്തവും പിണറായിയുടെ മേല് വരും
‘തോല്വിയുടെ പേരില് നേതൃത്വം ഒഴിയേണ്ടതില്ല’; പിണറായി വിജയന് തന്നെ പ്രതിപക്ഷ നേതാവാകണം
