തൃശൂര്: തൃശൂര് പൂരത്തില് തിരുവമ്പാടി വിഭാഗത്തിന്റെ വെടിക്കെട്ട് ഒരുക്കുന്ന മുണ്ടത്തിക്കോടുള്ള പടക്ക നിര്മാണ കേന്ദ്രത്തില് സ്ഫോടനം. നാല് പേര് മരിച്ചു. നാല്പതോളം തെഴിലാളികള്ക്ക് പൊള്ളലേറ്റതായാണ് വിവരം. രക്ഷാപ്രവര്ത്തനത്തിനിടെയും സ്ഫോടനം ഉണ്ടായി. പരിക്കേറ്റവരെ തൃശൂര് മെഡിക്കല് കോളജ് ആശുപത്രിയിലേക്ക് മാറ്റി .
നിരവധി പേരുടെ നില ഗുരുതരമാണെന്നാണ് വിവരം. വലിയ സ്ഫോടന ശബ്ദം കിലോമീറ്ററുകള്ക്കിപ്പുറവും കേട്ടതായി ദൃക്സാക്ഷികള് പറയുന്നു.പ്രദേശത്ത് ചില ആളുകളുടെ ശരീര ഭാഗങ്ങള് ചിതറിക്കിടക്കുന്നുണ്ടെന്ന് പ്രദേശവാസികളില് ഒരാള് പറഞ്ഞു.
വയലിന് നടുവിൽ കൂടി ജെസിബി ഉപയോഗിച്ച് താൽക്കാലിക റോഡ് ഉണ്ടാക്കിയാണ് ഫയർഫോഴ്സിന് സ്ഥലത്തേക്ക് എത്താനായത്. രക്ഷാപ്രവർത്തനം തുടരുകയാണ്.
