അഹമ്മദാബാദ്: ഗുജറാത്തിലെ അഹമ്മദാബാദിൽ ഒന്നാം ക്ലാസ്സുകാരിയായ മകൾക്കായി വാങ്ങിയ പുസ്തകങ്ങളുടെ വില കണ്ട് ഞെട്ടിയിരിക്കുകയാണ് ഒരു പിതാവ്.
ആറ് വയസ്സുകാരിയായ മകൾക്ക് വേണ്ടി സ്കൂളിൽ നിന്ന് നേരിട്ട് വാങ്ങിയ പുസ്തകങ്ങൾക്കും നോട്ട് ബുക്കുകൾക്കുമായി ഏകദേശം 4,000 രൂപ നൽകേണ്ടി വന്നതായാണ് പിതാവ് വെളിപ്പെടുത്തിയിരിക്കുന്നത്.
സംഭവം സോഷ്യൽ മീഡിയയിൽ പുതിയ ചർച്ചകൾക്ക് വഴിതുറന്നിരിക്കുകയാണ്. സീനിയർ കെജിയിലെ ഫീസിനേക്കാൾ 35 ശതമാനം വർദ്ധനവാണ് ഒന്നാം ക്ലാസ്സിലെ ഫീസിൽ ഉണ്ടായിരിക്കുന്നതെന്ന് പിതാവ് എക്സിൽ പങ്കുവെച്ച കുറിപ്പിൽ ചൂണ്ടിക്കാട്ടുന്നു.
