കോഴിക്കോട് : ബസില് ലൈംഗികാതിക്രമം നടത്തിയെന്ന പേരിലുള്ള വീഡിയോ പ്രചരിച്ചതിനു പിന്നാലെ ആരോപണവിധേ യനായ യുവാവ് ജീവനൊടുക്കി.
കോഴിക്കോട് ഗോവിന്ദപുരം സ്വദേശി ദീപക് (40) ആണ് മരിച്ചത്. ബസില് വെച്ച് ദീപക് ലൈംഗികാതിക്രമം കാണിച്ചുവെന്ന് യുവതി ആരോപിച്ചിരുന്നു. മുമ്പ് തദ്ദേശ സ്വയംഭരണ സ്ഥാപന തെരഞ്ഞെടുപ്പിൽ മുസ്ലിം ലീഗ് സ്ഥാനാർത്ഥിയായി വിജയിച്ചിട്ടുള്ളതാണ് ഈ വനിത.
തിരക്കുള്ള ബസിലെ വീഡിയോ ദൃശ്യങ്ങളും യുവതി പുറത്തു വിട്ടിരുന്നു. വീഡിയോ ദൃശ്യങ്ങള് സമൂഹമാധ്യമങ്ങളില് പ്രചരിച്ചതിനു പിന്നാലെയാണ് യുവാവ് ജീവനൊടുക്കിയത്. വസ്തുതാവിരുദ്ധമായ പ്രചാരണമാണ് യുവതി സമൂഹമാധ്യമങ്ങളിലൂടെ നടത്തിയതെന്ന് ദീപക്കിന്റെ ബന്ധുക്കള് ആരോപിച്ചു.
വീഡിയോ പ്രചരിച്ചതിനു പിന്നാലെ ദീപക് കടുത്ത മാനസിക സമ്മര്ദ്ദത്തിലായിരുന്നുവെന്ന് വീട്ടുകാര് പറഞ്ഞു. രാവിലെ എഴുന്നേല്ക്കാന് വൈകിയതിനെത്തുടര്ന്ന് വീട്ടുകാര് നാട്ടുകാരുടെ സഹായത്തോടെ മുറി തുറന്നു നോക്കിയപ്പോഴാണ് ദീപക്കിനെ തൂങ്ങിമരിച്ച നിലയില് കണ്ടെത്തിയത്. മെഡിക്കല് കോളജ് പൊലീസ് സ്ഥലത്തെത്തി അന്വേഷണം ആരംഭിച്ചു.
Related Posts
കളക്ടര് ഉത്തരവിട്ടു, വയനാട് ദുരന്തബാധിതരുടെ അക്കൗണ്ടില് നിന്ന് ഇഎംഐ പിടിച്ച തുക തിരികെ നല്കി ബാങ്കുകള്
കല്പ്പറ്റ : വയനാട്ടിലെ ഉരുള്പൊട്ടല് ദുരന്തബാധിതരുടെ ബാങ്ക് അക്കൗണ്ടുകളില് നിന്ന് ഇഎംഐ പിടിച്ച തുക തിരികെ നല്കിത്തുടങ്ങി. പിടിച്ച പണം തിരികെ നല്കാന് കലക്ടര് ഉത്തരവിട്ടതിനെത്തുടര്ന്നാണ് ബാങ്കുകള്…
മലയാളി വിദ്യാർത്ഥിനി ബെംഗളുരുവിലെ ഹോസ്റ്റൽ കെട്ടിടത്തിൽ നിന്ന് വീണു മരിച്ച നിലയിൽ
ബെംഗളൂരു: മലയാളി വിദ്യാർത്ഥിനി ബംഗളുരുവിലെ ഹോസ്റ്റൽ കെട്ടിടത്തിൽ നിന്നു വീണു മരിച്ചു. ഇടുക്കി ഉടുമ്പൻചോല ഗ്രാമപഞ്ചായത്ത് വൈസ് പ്രസിഡന്റ് ചെമ്മണ്ണാര് എള്ളംപ്ലാക്കല് ബിജുവിന്റെ മകള് അനില(19) ആണ്…
പതിനെട്ടാം ലോക്സഭയില് 41 പാര്ട്ടികള്ക്കു പ്രാതിനിധ്യം, 64% അംഗങ്ങളും ദേശീയ പാര്ട്ടികളില് നിന്ന്
ന്യൂഡല്ഹി: തെരഞ്ഞെടുപ്പു പ്രക്രിയ പൂര്ത്തിയായതോടെ പതിനെട്ടാം ലോക്സഭയില് അംഗങ്ങളായി എത്തുക 41 പാര്ട്ടികളുടെ പ്രതിനിധികള്. കഴിഞ്ഞ ലോക്സഭയില് 36 പാര്ട്ടികള്ക്കാണ് പ്രാതിനിധ്യം ഉണ്ടായിരുന്നത്. ആകെയുള്ള 543 സീറ്റില്…