തിരുവനന്തപുരം: ഉത്തരാഖണ്ഡില് ഉണ്ടായ പ്രകൃതി ദുരന്തത്തില് കേരളമാകെ ദുരിതബാധിതര്ക്കൊപ്പം ചേര്ന്നു നില്ക്കുമെന്ന് മുഖ്യമന്ത്രി പിണറായി വിജയന്. ഉത്തരാഖണ്ഡ് മുഖ്യമന്ത്രി പുഷ്കര് സിങ് ധാമിക്ക് അയച്ച കത്തിലൂടെ അറിയിച്ചു.
രക്ഷാപ്രവര്ത്തനങ്ങള്ക്കും ദുരിതാശ്വാസ നടപടികള്ക്കും കേരളത്തിലെ ജനങ്ങളുടെ ഐക്യദാര്ഢ്യവും പിന്തുണയും ഉണ്ടാകുമെന്നും ആവശ്യമായ സഹായം നല്കാന് കേരള സര്ക്കാര് തയ്യാറാണെന്നും മുഖ്യമന്ത്രി അറിയിച്ചു. ദുരന്തത്തില് കുടുങ്ങിയിരിക്കുന്നവരില് കേരളത്തില് നിന്നുള്ളവരും ഉള്പ്പെട്ടിട്ടുണ്ടെന്നാണ് മാധ്യമ റിപ്പോര്ട്ടുകള് സൂചിപ്പിക്കുന്നതെന്നും മുഖ്യമന്ത്രി ശ്രദ്ധയില്പ്പെടുത്തി.
ഇതിന്റെ പശ്ചാത്തലത്തില് ദുരന്തത്തില്പ്പെട്ടവരുടെ വിവരങ്ങള് ലഭ്യമാവുന്നമുറക്ക് കേരള സര്ക്കാരിനെ അറിയിക്കണമെന്നും ആവശ്യമായ ഇടപെടല് ഉണ്ടാവണമെന്നും മുഖ്യമന്ത്രി കത്തിലൂടെ അഭ്യര്ത്ഥിച്ചു.
അതേസമയം, മലയാളികളെ തിരിച്ചെത്തിക്കാന് ആവശ്യമായ നടപടി സ്വീകരിക്കുമെന്ന് ഉത്തരാഖണ്ഡ് മുഖ്യമന്ത്രി അറിയിച്ചു. കാലാവസ്ഥ അനുകൂലമായല് നടപടി തുടങ്ങുമെന്നും മുഖ്യമന്ത്രി പറഞ്ഞു
