കൊച്ചി: ദിവസങ്ങളുടെ വ്യത്യാസത്തില് 3000ലധികം രൂപ ഇടിഞ്ഞ സ്വര്ണവിലയില് തുടര്ച്ചയായ രണ്ടാം ദിവസവും കുതിപ്പ്. ഇന്ന് പവന് 360 രൂപ വര്ധിച്ചതോടെ സ്വര്ണവില വീണ്ടും 72500ന് മുകളില് എത്തി. 72, 520 രൂപയാണ് ഏറ്റവും പുതിയ വില.
ഗ്രാമിനും വില ആനുപാതികമായി വര്ധിച്ചു. ഗ്രാമിന് 45 രൂപയാണ് വര്ധിച്ചത്. 9065 രൂപയാണ് ഒരു ഗ്രാം സ്വര്ണത്തിന്റെ വില. രണ്ടാഴ്ചയ്ക്കിടെ 3000 രൂപയിലധികം കുറഞ്ഞ ശേഷമാണ് ഇന്നലെ മുതല് സ്വര്ണവില തിരിച്ചുകയറാന് തുടങ്ങിയത്. രണ്ടുദിവസത്തിനിടെ 1200 രൂപയാണ് വര്ധിച്ചത്.
ജൂണ് 13ന് ഏപ്രില് 22ലെ റെക്കോര്ഡ് സ്വര്ണവില ഭേദിച്ചിരുന്നു. ഏപ്രില് 22ന് രേഖപ്പെടുത്തിയ 74,320 രൂപ എന്ന റെക്കോര്ഡ് ആണ് തിരുത്തിയത്. തൊട്ടടുത്ത ദിവസവും വില വര്ധിച്ച് സ്വര്ണവില പുതിയ ഉയരം കുറിക്കുന്നതാണ് കണ്ടത്.
