കോട്ടയം : സർവീസിന് ശേഷം യാർഡിലേയ്ക്ക് കൊണ്ടു പോകുകയായിരുന്ന സ്വകാര്യ ബസ് എതിർദിശയിൽ നിന്നും എത്തിയ മറ്റൊരു സ്വകാര്യ ബസിൽ ഇടിച്ചു കയറി.
കോട്ടയം പാക്കിൽ ചിങ്ങവനം റോഡിൽ ഇല്ലിവളവിലായിരുന്നു സംഭവം.
അപകടത്തിൽ യാത്രക്കാർക്കാർക്കും പരിക്കില്ല. മദ്യപിച്ച് വാഹനം ഓടിച്ച ജീസസ് ബസിന്റെ ഡ്രൈവർ വേലൂർ കല്ലുപുരയ്ക്കൽ തയ്യിൽ വീട്ടിൽ വിഷ്ണുവിനെ (32) ചിങ്ങവനം പൊലീസ് കസ്റ്റഡിയിൽ എടുത്തു.
വടവാതൂർ തേമ്പ്രവാൽക്കടവ് റൂട്ടിൽ സർവീസ് നടത്തുന്ന ജീസസ് ബസാണ് അപകടത്തിൽപ്പെട്ടത്. ചങ്ങനാശേരി റൂട്ടിൽ സർവീസ് നടത്തുന്ന സെന്റ്റ് തോമസ് ബസിൽ ജീസസ് ഇടിച്ചു കയറുകയായിരുന്നു.
