കോട്ടയം : മുത്തോലി പഞ്ചായത്തിലെ കാണാതായ യുഡി ക്ലര്‍ക്ക് ബിസ്മിയെ കണ്ടെത്തി.
തൊടുപുഴയിലെ ബന്ധു വീട്ടില്‍ നിന്നാണ് ബിസ്മിയെ കണ്ടെത്തിയത്. അല്പസമയം മുന്‍പ് തൊടുപുഴയിലെ സഹോദരന്റെ വസതിയിലേക്ക് ഇവര്‍ എത്തുകയായിരുന്നു.
ഇന്നലെ രാവിലെ വീട്ടില്‍ നിന്ന് ഓഫീസിലേക്ക് ഇറങ്ങിയതായിരുന്നു. എന്നാല്‍ പഞ്ചായത്ത് ഓഫീസില്‍ എത്തിയിരുന്നില്ല. ബന്ധുക്കളുടെ പരാതിയുടെ അടിസ്ഥാനത്തില്‍ പള്ളിക്കത്തോട് പൊലീസ് കേസെടുത്ത് അന്വേഷണം നടത്തുകയായിരുന്നു.
കിഴവങ്കുളം ജംഗ്ഷനില്‍ നിന്ന് ബിസ്മി ബസില്‍ കയറുന്ന സിസിടിവി ദൃശ്യങ്ങള്‍ ലഭിച്ചിരുന്നു. ഇതിന്റെ അടിസ്ഥാനത്തില്‍ നടത്തിയ അന്വേഷണത്തിലാണ് ബിസ്മിയെ കണ്ടെത്തിയത്.
മുത്തോലി പഞ്ചായത്തിലെ കാണാതായ യുഡി ക്ലര്‍ക്കിനെ കണ്ടെത്തി; യുവതി എത്തിയത് സഹോദരന്റെ വസതിയിൽ
