എറണാകുളം : പെരുമ്പാവൂരിൽ ഭർത്താവിന്റെ ദേഹത്ത് തിളച്ച എണ്ണ ഒഴിച്ച് ഭാര്യ. രഹസ്യഭാഗത്ത് അടക്കമാണ് എണ്ണ ഒഴിച്ചത്. സാരമായി പൊളളലേറ്റ ഭർത്താവ് ഗുരുതരാവസ്ഥയിൽ ചികിത്സയിലാണ്. ഭര്ത്താവിൻ്റെ മുന്കാമുകിയുമൊത്തുള്ള ചിത്രം ഫോണില് കണ്ടതോടെ ഭാര്യ പ്രകോപിതയാകുകയായിരുന്നു.
തുടർന്ന് കിടപ്പുമുറിയിലെ കട്ടിലില് വിശ്രമിക്കുകയായിരുന്ന ഭര്ത്താവിന്റെ ദേഹത്തേക്ക് തിളച്ചവെള്ളവും എണ്ണയും ചേര്ന്ന മിശ്രിതം ഭാര്യ ഒഴിക്കുകയായിരുന്നു. ആക്രമണത്തില് ഭര്ത്താവിന്റെ രണ്ട് കൈകളിലും, നെഞ്ച്, തുടയുടെ ഇരുവശങ്ങള്, മൂത്രാശയം എന്നിവിടങ്ങളിലും ഗുരുതരമായി പൊള്ളലേറ്റു. ഭർത്താവിന്റെ പരാതിയിൽ പെരുമ്പാവൂർ പൊലീസ് കേസെടുത്ത് അന്വേഷണം ആരംഭിച്ചു.
