ഷിരൂർ : ഗംഗാവലിപ്പുഴയിൽ നിന്ന് അർജുന്റെ ലോറി കരയ്ക്ക് കയറ്റി. ക്യാബിനുള്ളിൽ കൂടുതൽ അസ്ഥികളുണ്ടെന്നാണ് വിവരം. ലോറിക്കകത്ത് നിന്ന് ഇവ പൂർണമായും ശേഖരിക്കും.
അതിനിടെ ലോറിയുടെ കാബിനുള്ളിൽ നിന്ന് കിട്ടിയ ഷർട്ടും ബനിയനും അടക്കം അർജുൻ ഉപയോഗിച്ചിരുന്നതാണെന്ന് സഹോദരൻ തിരിച്ചറിഞ്ഞു. അർജുൻ ഉപയോഗിച്ച വസ്തുക്കൾ മുഴുവൻ ലോറിയിൽ നിന്ന് തിരികെ വീട്ടിലേക്ക് കൊണ്ടുവരണമെന്നാണ് ഭാര്യ ഷിരൂരിലുള്ള സഹോദരനോട് ആവശ്യപ്പെട്ടത്. മുഴുവൻ സാധനങ്ങളും കുടുംബത്തിന് വിട്ട് നൽകുമെന്ന് അധികൃതരും അറിയിച്ചട്ടുണ്ട്
ഇന്ന് പത്തുമണിയൊടെ രണ്ട് ക്രെയിനുകളുടെ സഹായത്തോടെയാണ് ലോറി പൂർണമായും കരയിലേക്ക് എത്തിച്ചത്. ക്യാബിൻ വെട്ടിപ്പൊളിച്ച് പരിശോധിക്കാനുള്ള നടപടികൾ തുടങ്ങി.
