ന്യൂഡല്ഹി: ബിജെപിയുടെ ഓം ബിര്ല ലോക്സഭ സ്പീക്കറാകും. ബിര്ലയെ സ്ഥാനാര്ത്ഥിയാക്കാന് തീരുമാനിച്ചതായി ബിജെപി എന്ഡിഎ സഖ്യകക്ഷികളെ അറിയിച്ചു. ബിര്ല ഉച്ചയോടെ നാമനിര്ദേശ പത്രിക സമര്പ്പിച്ചു. നാളെയാണ് സ്പീക്കര് തെരഞ്ഞെടുപ്പ്. രാജസ്ഥാനിലെ കോട്ടയില് നിന്നുള്ള എംപിയാണ് ഓം ബിര്ല. കഴിഞ്ഞ തവണയും ലോക്സഭ നിയന്ത്രിച്ചത് ഓം ബിര്ലയാണ്.
ലോക്സഭ സ്പീക്കറെ സമവായത്തിലൂടെ തെരഞ്ഞെടുക്കുക ലക്ഷ്യമിട്ട് കേന്ദ്രസര്ക്കാര് പ്രതിപക്ഷ പാര്ട്ടികളുമായും ചര്ച്ച നടത്തിയെങ്കിലും വിജയം കണ്ടിട്ടില്ല.
കേന്ദ്രമന്ത്രി രാജ്നാഥ് സിങ് കോണ്ഗ്രസ് അധ്യക്ഷന് മല്ലികാര്ജുന് ഖാര്ഗെ, ഡിഎംകെ അധ്യക്ഷന് എം കെ സ്റ്റാലിന്, തൃണമൂല് കോണ്ഗ്രസ് അധ്യക്ഷ മമത ബാനര്ജി തുടങ്ങിയവരുമായി ചര്ച്ച നടത്തി. എന്ഡിഎ സ്ഥാനാര്ത്ഥിയെ പിന്തുണയ്ക്കണമെന്ന് അഭ്യര്ത്ഥിച്ചു.
ഡെപ്യൂട്ടി സ്പീക്കര് സ്ഥാനം പ്രതിപക്ഷത്തിന് നല്കാന് കേന്ദ്രസര്ക്കാര് തയ്യാറാകണമെന്ന് കോണ്ഗ്രസ് ആവശ്യം മുന്നോട്ടു വെച്ചു. ഡെപ്യൂട്ടി സ്പീക്കര് സ്ഥാനം പ്രതിപക്ഷത്തിന് നല്കാന് തയ്യാറായില്ലെങ്കില് എന്ഡിഎ സ്ഥാനാര്ത്ഥിയെ എതിര്ക്കുമെന്ന് കോണ്ഗ്രസ് നേതാവ് രാഹുല് ഗാന്ധി വ്യക്തമാക്കിയിട്ടുണ്ട്.
ഇതിനിടെ ഇന്ത്യ സംഖ്യത്തിൻ്റെ സ്ഥാനാർത്ഥിയായി മാവേലിക്കര നിന്നും വിജയിച്ച കൊടിക്കുന്നിൽ സുരേഷ് പത്രിക നൽകി. ഇതോടെ രാജ്യത്തിന്റെ ചരിത്രത്തിൽ ആദ്യമായി സ്പീക്കർ സ്ഥാനത്തേക്ക് മത്സരം നടക്കും.
