സ്കൂട്ടർ മറിഞ്ഞ് അമ്മയ്ക്കും മകനും ദാരുണാന്ത്യം; അപകടം വടക്കൻ പറവൂരിൽ

വടക്കൻ പറവൂരില്‍ സ്കൂട്ടർ മറിഞ്ഞ് അമ്മയും മകനും മരിച്ചു. നായരമ്ബലം കുടുങ്ങാശ്ശേരി തെക്കേവീട്ടില്‍ ക്ലയിസന്റെ ഭാര്യ ബിന്ദു (44), മകൻ ആല്‍വിൻ (12) എന്നിവരാണ് മരിച്ചത്.

അപകടത്തില്‍ പരിക്കേറ്റ ക്ലയിസൻ ചികിത്സയിലാണ്. ഞായറാഴ്ച രാത്രി എട്ടിനായിരുന്നു സംഭവം. ബന്ധുവിന്റെ വീട്ടീല്‍പോയി മടങ്ങുകയായിരുന്നു കുടുംബം.

മഴയത്ത് വാഹനത്തിന്റെ നിയന്ത്രണം വിട്ടതാകാം അപകടകാരണമെന്നാണ് കരുതുന്നത്. എടവനക്കാട് കെ.പി.എം.എച്ച്‌. സ്കൂളിലെ ഏഴാം ക്ലാസ് വിദ്യാർഥിയാണ് മരിച്ച ആല്‍വിൻ.