ജാക്കി തെന്നി കാര്‍ തലയില്‍ വീണ്
പരിക്കേറ്റ യുവാവ് മരിച്ചു

കാഞ്ഞിരപ്പള്ളി: ജാക്കി തെന്നിമാറി കാര്‍ തലയില്‍ വീണ് പരിക്കേറ്റ് ചികിത്സയിലായിരുന്ന യുവാവ് മരിച്ചു. കാഞ്ഞിരപ്പള്ളി പട്ടിമറ്റം തൊമ്മന്‍പറമ്പില്‍ മുഹമ്മദ് ഫിറോസ് (23) ആണ് മരിച്ചത്. കഴിഞ്ഞ വ്യാഴാഴ്ചയായിരുന്നു അപകടം.

കാറിന്റെ അടിയില്‍ കിടന്ന് പണിയുന്ന സമയത്ത് ജാക്കി തെന്നി മാറി കാര്‍ തലയിലേക്ക് വീണു. ഗുരുതരമായി പരിക്കേറ്റ മുഹമ്മദ് ഫിറോസ് പാലായിലെ സ്വകാര്യ ആശുപത്രിയില്‍ ചികിത്സയിലായിരുന്നു.
ഖബറടക്കം നടത്തി.

നൗഷാദ്-ഷാനിത ദമ്പതികളുടെ മകനാണ്്. മുഹമ്മദ് ജാബിര്‍, മുഹമ്മദ് റിഫായി എന്നിവര്‍ സഹോദരങ്ങളും.