കാലിക്കറ്റ്, സംസ്കൃത സർവകലാശാല വി.സിമാരെ പുറത്താക്കി ഗവർണർ

തിരുവനന്തപുരം :   കാലിക്കറ്റ്, സംസ്കൃത സർവകലാശാല വി.സിമാരെ പുറത്താക്കി ഗവർണർ ആരിഫ് മുഹമ്മദ് ഖാൻ.

കാലിക്കറ്റ് സർവകലാശാല വി.സി. ഡോ.എം.കെ.ജയരാജ്, സംസ്കൃത സർവകലാശാല വി.സി.ഡോ.എം.വി. നാരായണൻ എന്നിവരെയാണു ഗവർണർ പുറത്താക്കിയത്.

നിയമനത്തിൽ യുജിസി നിയമവും ചട്ടവും പാലിച്ചില്ലെന്നു കണ്ടെത്തിയതിനെ തുടർന്നാണു നടപടി. ഹിയറിങ്ങിന് ശേഷമാണു ഗവർണർ രണ്ടു വിസിമാരെയും പുറത്താക്കിയത്. 

ഓപ്പൺ,ഡിജിറ്റൽ വി.സിമാരുടെ കാര്യത്തിൽ യുജിസിയുടെ അഭിപ്രായം ഗവർണർ തേടി. ഓപ്പൺ വി.സി രാജിക്കത്തു നൽകിയെങ്കിലും ഗവർണർ സ്വീകരിച്ചിട്ടില്ല.