തെരുവ് നായ്ക്കൾ താണ്ഡവമാടി പത്തോളം ആടുകളെ കൊന്നൊടുക്കി

കക്കാട് :- കുഞ്ഞിപ്പള്ളി ഓലാട്ട് ചാലിലെ എൽ.സഹീറയുടെ പത്തോളം ആടുകളേയും, വളർത്തു കോഴികളേയും തെരുവ് പട്ടികൾ കടിച്ചു കൊന്നു.

ഇന്ന് കാലത്താണ് ആരെയും വേദനിപ്പിക്കുന്ന വിധത്തിൽ ഇത്തരമൊരു കാഴ്ച കാണേണ്ടി വന്നത്. കുഞ്ഞിപ്പള്ളി പഴയ ഗായത്രി ടാക്കീസിന്ന് സമീപം വാടക വീട്ടിൽ താമസിക്കുന്ന സഹീറയും ഭർത്താവ് നാസറും വീട് പൂട്ടി പുറത്ത് പോയതിന്ന് ശേഷമാണ് തെരുവ് നായ്ക്കൾ താണ്ഡവമാടിയത്.

അറുപതിനായിരം രൂപയോളം നഷ്ട്ടമുണ്ടായതായി ടൈൽസ് ജോലി ചെയ്ത് വരുന്ന നാസറും ഭാര്യ സഹീറയും പറഞ്ഞു.