ന്യൂഡൽഹി : കേരളത്തിലെ മുഖ്യമന്ത്രി സ്ഥാനത്തേക്ക് ആരെ നിശ്ചയിക്കണമെന്ന് തീരുമാനിക്കാന് ഹൈക്കമാന്ഡ് വിളിച്ച വിശാല യോഗം ഇന്ന്.
മുന് കെപിസിസി അധ്യക്ഷന്മാരുമായും, വര്ക്കിംഗ് പ്രസിഡന്റുമാരുമായും ഇന്ന് ഹൈക്കമാന്ഡ് നേതൃത്വം ചര്ച്ച നടത്തും. നിലവിലെ ചര്ച്ചയില് കെ സി വേണുഗോപാലിന് തന്നെയാണ് മുന്തൂക്കം. ഘടകക്ഷികളുടെ നിലപാട് കൂടി അറിഞ്ഞ ശേഷം അന്തിമ പ്രഖ്യാപനം വരും.
പ്രഖ്യാപനം വൈകുന്നതില് വിമര്ശനം ശക്തമായതോടെ ഹൈക്കമാന്ഡും സമ്മര്ദ്ദത്തിലാവുകയായിരുന്നു. ഇന്നലെയാണ് മുതിർന്ന നേതാക്കൾക്ക് ദില്ലിയിൽ നിന്ന് വിളി വന്നത്. കെസി വേണുഗോപാൽ മുഖ്യമന്ത്രിയാവാൻ സാധ്യതയുണ്ടെന്ന് വാർത്തകൾ പുറത്തുവന്നതോടെയാണ് ഹൈക്കമാൻഡിൻ്റെ നീക്കം ഉണ്ടായത്.
