ഇരിങ്ങാലക്കുട : കാറിനുള്ളില് മധ്യവയസ്കനെ മരിച്ച നിലയില് കണ്ടെത്തി. ഇരിങ്ങാലക്കുട ആസാദ് റോഡില് കുറ്റിക്കാടന് വീട്ടില് ജോസ് (57) നെയാണ് മരിച്ച നിലയില് കണ്ടെത്തിയത്.
ആറു മാസമായി വാടകയ്ക്ക് മുല്ലക്കാടാണ് ജോസും കുടുംബവും താമസം. ചൊവ്വാഴ്ച രാത്രി ഒമ്പത് മണിയോടെ ഗാന്ധിഗ്രാമില് മുല്ലക്കാട് അങ്കണവാടിക്കു സമീപം നിര്ത്തിയിട്ട കാറിനുള്ളിലാണ് മരിച്ച നിലയില് കാണപ്പെട്ടത്.
വൈകുന്നേരം നാല് മണി മുതല് കാര് ഇവിടെ കണ്ടെതായി പരിസരവാസികള് പറയപ്പെടുന്നു. കാര് ഉള്ളില് നിന്നും ലോക്ക് ചെയ്ത നിലയിലായിരുന്നു. സംഭവമറിഞ്ഞ് നാട്ടുകാര് വിവരമറിയിച്ചതിനെ തുടര്ന്ന് പോലീസ് എത്തി കാറിന്റെ ഡോര് പൊളിച്ചാണ് മൃതദേഹം പുറത്തെടുത്ത് ഇരിങ്ങാലക്കുട ജനറല് ആശുപത്രിയി ലേക്ക് മാറ്റിയത്.
കാറിനുള്ളില് നിന്നും പിസ്റ്റലും ഒരു കുറിപ്പും കണ്ടെത്തിയെന്നും സംഭവത്തെക്കുറിച്ച് കൂടുതല് അന്വേഷണം നടത്തി വരികയാണെന്നും പൊലീസ് അറിയിച്ചു.
