ശബരിമല തീർത്ഥാടകര്‍ സഞ്ചരിച്ച വാഹനം അപകടത്തിൽപ്പെട്ടു

ളാഹ : ശബരിമല തീർത്ഥാടകരുടെ വാഹനം അപകടത്തിൽപ്പെട്ടു. പത്തനംതിട്ട ളാഹയിലാണ് അപകടം നടന്നത്. നിയന്ത്രണം വിട്ട ടെമ്പോ ട്രാവലർ റോഡ് സൈഡിലെ കടയുടെ സമീപത്തേക്ക് ഇടിച്ചു കയറുകയായിരുന്നു.

സ്ഥലത്ത് പാർക്ക് ചെയ്ത കാറിനും അപകടത്തിൽ കേടുപാടുകൾ സംഭവിച്ചിട്ടുണ്ട്. ആന്ധ്രയിൽ നിന്നുള്ള അയ്യപ്പഭക്തര്‍ സഞ്ചരിച്ച വാഹനമാണ് അപകടത്തിൽപ്പെട്ടത്. സംഭവത്തില്‍ ആർക്കും പരിക്കില്ല.