സജീവ രാഷ്ട്രീയം അവസാനിപ്പിച്ച് കൊട്ടാരക്കര മുൻ എംഎൽഎ പി ആയിഷ പോറ്റി. ആരോഗ്യപ്രശനത്തെ തുടർന്നാണ് തീരുമാനമെന്ന് അയിഷ പറഞ്ഞു. കുറച്ച് കാലങ്ങളായി പാര്ട്ടി പരിപാടികളില്നിന്ന് ഇവര് വിട്ടുനില്ക്കുകയായിരുന്നു. ഒന്നും ചെയ്യാനാകാതെ പാര്ട്ടിയില് നില്ക്കാനാകില്ല. ഓടി നടന്നു ചെയ്യാന് കഴിയുന്നവര് തുടരട്ടെ- ഐഷ പോറ്റി പറഞ്ഞു.
പാര്ട്ടി പ്രവര്ത്തനങ്ങളില് സജീവമല്ലെന്നു കാട്ടി സി.പി.എം. കൊട്ടാരക്കര ഏരിയ കമ്മിറ്റിയില്നിന്ന് ഐഷ പോറ്റിയെ ഒഴിവാക്കിയിരുന്നു. ഏരിയ സമ്മേളനത്തില്നിന്നു വിട്ടുനിന്ന ഐഷ പോറ്റി ഏറെനാളായി നേതൃത്വവുമായി അകല്ച്ചയിലാണ്. സമ്മേളനത്തിന്റെ രണ്ടാംദിവസമെങ്കിലും ഐഷ പോറ്റി സമ്മേളനത്തിന് എത്തുമെന്നു കരുതിയിരുന്നെങ്കിലും പങ്കെടുത്തില്ല.
തിരഞ്ഞെടുപ്പിനുശേഷം പാര്ട്ടി അവഗണന കാട്ടുന്നതായി പരാതി ഉയര്ന്നിരുന്നു. മൂന്നുതവണ എം.എല്.എ.യായ ഐഷ പോറ്റിയെ സ്പീക്കര്, വനിതാ കമ്മിഷന് അധ്യക്ഷസ്ഥാനത്തേക്കു പരിഗണിക്കുമെന്ന പ്രചാരണം ഉണ്ടായിരുന്നു. പദവികളിലേക്കു പരിഗണിക്കാതിരുന്നതു മാത്രമല്ല, മണ്ഡലത്തിലെ വികസന പ്രവര്ത്തനങ്ങളില്നിന്ന് ഒഴിവാക്കിയതും അകല്ച്ചയ്ക്കു കാരണമായി.
