കൊച്ചി : കുഴിമന്തി കഴിച്ച് പത്ത് പേർക്ക് ഭക്ഷ്യവിഷബാധയേറ്റ സംഭവത്തിൽ ഹോട്ടലിനെതിരെ കേസ്. എറണാകുളം കളമശേരിയിൽ പ്രവർത്തിക്കുന്ന പാതിരാക്കോഴി ഹോട്ടലിന്റെ ഉടമയ്ക്കും ജീവനക്കാർക്കുമെതിരെയാണ് കേസെടുത്തത്. കളമശേരി പൊലീസാണ് കേസെടുത്തത്.
ഇന്നലെ രാത്രി കുഴിമന്തി കഴിച്ചവര്ക്കാണ് ശാരീരികാസ്വാസ്ഥ്യം അനുഭവപ്പെട്ടത്. വയറിളക്കവും ഛര്ദ്ദിയുമാണ് അനുഭവപ്പെട്ടത്. പത്തുപേരും എറണാകുളം ജനറല് ആശുപത്രിയില് ചികിത്സയിലാണ്.
കളമശേരിയിലെ പാതിരാ കോഴി എന്ന ഹോട്ടലില് നിന്ന് രാത്രി ഭക്ഷണം കഴിച്ചതിന് ശേഷമാണ് ശാരീരികാസ്വാസ്ഥ്യം അനുഭവപ്പെട്ടത് എന്നാണ് ചികിത്സയിലുള്ളവര് പറയുന്നത്. ഇവരുടെ ആരുടെയും ആരോഗ്യനില ഗുരുതരമല്ല. പാതിരാ കോഴിയില് നിന്ന് ഭക്ഷണം കഴിച്ചവര്ക്ക് കൂട്ടത്തോടെ ശാരീരിക ബുദ്ധിമുട്ട് അനുഭവപ്പെട്ടതോടെയാണ് ഭക്ഷ്യവിഷബാധ സംശയിച്ച് അധികൃതര് തുടര്നടപടികള് സ്വീകരിച്ചത്.
കുഴിമന്തി കഴിച്ച് ഭക്ഷ്യവിഷബാധ; ‘പാതിരാക്കോഴി’ ഹോട്ടലുടമയ്ക്കും ജീവനക്കാർക്കുമെതിരെ കേസ്
