കാനഡയിൽ കാറുകൾ കൂട്ടിയിടിച്ചുണ്ടായ അപകടത്തിൽ സംഗീത സംവിധായകനായ പത്തനംതിട്ട സ്വദേശിക്ക് ദാരുണാന്ത്യം

കാലിഡോണിയ : കാനഡയിൽ കാറുകൾ കൂട്ടിയിടിച്ചുണ്ടായ അപകടത്തിൽ സംഗീത സംവിധായകനായ പത്തനംതിട്ട സ്വദേശിക്ക് ദാരുണാന്ത്യം

ഹാമിൾട്ടൺ കാലിഡോണിയയിൽ കാറുകൾ കൂട്ടിയിടിച്ചുണ്ടായ അപകടത്തിൽ പത്തനംതിട്ട സ്വദേശി മരിച്ചു.

കോഴഞ്ചേരി  മാരാമൺ കോന്നാത്ത്  വീട്ടിൽ റെഞ്ചി ജോണിന്റെ മകൻ കപിൽ രഞ്ജി തമ്പാനാണ് മരിച്ചത്.

സംഗീതജ്ഞനും, സൗണ്ട് എൻജിനീയറുമായ ഇദ്ദേഹം ഹാമിൽട്ടണിലാണ് താമസം.

ബഹ്റൈനിൽ നിന്ന് സെപ്റ്റംബറിലാണ് കപിൽ കാനഡയിലേക്ക് പോയത്.

ചൊവ്വാഴ്ച ഉച്ചകഴിഞ്ഞ് 3.30 ഓടെയോടെയാണ് കാലിഡോണിയയിലെ ഹൈവേ 6 ന് സമീപമുള്ള ആർഗൈൽ സ്ട്രീറ്റ് സൗത്തിൽ അപകടം നടന്നത്.

അപകടത്തിൽ ഗുരുതരമായി പരിക്കേറ്റ കപിലിനെ ആശുപത്രിയിലേക്ക് പോകുന്നതിനിടെയാണ് മരിച്ചത്.

കാറിലെ സഹയാത്രികനെയും ഗുരുതരമായ പരുക്കുകളോടെ ആശുപത്രിയിൽ പ്രവേശിപ്പിച്ചു.

അപകടത്തിൽ സാരമായി പരിക്കേറ്റ കാർ ഡ്രൈവർ ചികിത്സയിലാണ്.

വെസ്റ്റ് റീജിയൺ ഒ പി പി ട്രാഫിക് ഇൻസിഡന്റ്  മാനേജ്മെന്റ് എൻഫോഴ്സ്മെൻ്റ് അപകടത്തെക്കുറിച്ച് അന്വേഷണം ആരംഭിച്ചു.