തൃശ്ശൂര്: രേഖകളും അനുമതി പത്രവുമില്ലാതെ കടലിൽ ഉല്ലാസ യാത്ര നടത്തിയ ഹൗസ് ബോട്ട് ഫിഷറീസ് മറൈൻ എൻഫോഴ്സ്മെൻറ് സംഘം പിടിച്ചെടുത്ത് പിഴ ചുമത്തി. ഇന്ന് രാവിലെ അഴീക്കോട് നിന്ന് പുറപ്പെട്ട എങ്ങണ്ടിയൂർ സ്വദേശി നാരായണ ദാസ് എന്നയാളുടെ ഉടമസ്ഥതയിലുള്ള ബോട്ടാണ് പിടികൂടിയത്.
ഇരുനില ഉല്ലാസ നൗകയാണിത്. ഫിഷറീസ് – മറൈൻ എൻഫോഴ്സ്മെന്റ് സംഘമാണ് ഈ ഹൗസ് ബോട്ട് കണ്ടത്. പിന്നാലെ തടഞ്ഞ് നിർത്തി പരിശോധിക്കുകയായിരുന്നു. അഴീക്കോട് പോർട്ട് ഓഫീസിന്റെ അനുമതിയില്ലാതെ കടലിലൂടെ രാജ്യസുരക്ഷയ്ക്ക് ഭീഷണിയാകും വിധം സഞ്ചരിച്ചുവെന്നാണ് കുറ്റം. പിഴയടച്ച ശേഷം ഹൗസ് ബോട്ട് ഉടമയ്ക്ക് വിട്ടുനൽകിയെന്നും അധികൃതര് അറിയിച്ചു.
രേഖകളില്ലാതെ കടലിൽ ഉല്ലാസ യാത്ര; ഒടുവിൽ എൻഫോഴ്സ്മെന്റ് സംഘത്തിന്റെ പിടിയിൽ
