മൂലമറ്റം: റിട്ട. അധ്യാപകന്റെ വീട്ടിൽ നിന്നും ആനയുടെ പല്ലും തോക്കുകളും വനംവകുപ്പ് പിടിച്ചെടുത്തു. അറക്കുളം കള്ളികാട്ടിൽ ഈപ്പച്ചൻ (59) വീട്ടിൽ നിന്നാണ് മൂന്ന് തോക്കുകളും ആനയുടെ പല്ലും പിടികൂടിയത്.
കോതമംഗലം ഫ്‌ളയിങ് സ്‌ക്വാഡ് ഡിഎഫ്ഒയ്ക്ക് ലഭിച്ച രഹസ്യവിവരത്തിന്റെ അടിസ്ഥാനത്തിൽ തൊടുപുഴ ഫ്‌ളയിങ് സ്‌ക്വാഡും തൊടുപുഴ റേഞ്ച് ഓഫിസും നടത്തിയ സംയുക്ത പരിശോധനയിലാണ് ഇവ പിടികൂടിയത് .
എയർ ഗണ്ണുകളും എയർ പിസ്റ്റളുകളുമാണ് പിടിച്ചെടുത്തതേന്ന് വനം വകുപ്പ് ഉദ്യോഗസ്ഥർ പറഞ്ഞു ..
തൊടുപുഴ ഫ്‌ളയിങ് സ്‌ക്വാഡ് റേഞ്ചർ മനു.കെ.നായർ, സുരേഷ് കുമാർ, ജോസഫ് വർഗീസ് വി.ആർ.അനിൽ, പി.ഐ.സജാദ്, മീര ജോസഫ് എ.ജി.സുനിൽകുമാർ, അൻജിത്ത് ശങ്കർ, കെ.കെ.ഷമിൽ, സി.വി.ഹരിദാസ് എന്നിവർ ചേർന്നാണ് പ്രതിയെ പിടികൂടിയത്.
