കോട്ടയം നഗരമധ്യത്തിൽ സ്വകാര്യ ബസ് ബൈക്ക് യാത്രക്കാരനെ ഇടിച്ചു വീഴ്ത്തി

കോട്ടയം  : നഗര മധ്യത്തിൽ കെ കെ റോഡിൽ മലയാള മനോരമ ജംഗ്ഷനു മുന്നിൽ അമിതവേഗത്തിൽ എത്തിയ സ്വകാര്യ ബസ് ബൈക്ക് യാത്രക്കാരനെ ഇടിച്ചു വീഴ്ത്തി.

വടവാതൂർ സ്വദേശിയും കഞ്ഞിക്കുഴി ഓക്സിജൻ ഡിജിറ്റൽ ഷോപ്പ് സെക്യൂരിറ്റി ജീവനക്കാരനുമായ ജോയി (54)യ്ക്കാണ് അപകടത്തിൽ പരിക്കേറ്റത്. ഇദ്ദേഹത്തെ കോട്ടയം മെഡിക്കൽ കോളേജ് ആശുപത്രിയിൽ അടിയന്തര ശസ്ത്രക്രിയക്ക് വിധേയനാക്കി.

ഇന്ന് രാവിലെ ആയിരുന്നു അപകടം. സ്വകാര്യ ബസ്സിന് അടിയിൽ കുടുങ്ങിയ ജോയിയെ മീറ്ററുകളോളം വലിച്ചു നീക്കി. ഗുരുതരമായി പരിക്കേറ്റ ജോയിയെ ജില്ലാ ആശുപത്രിയിൽ നിന്നും കോട്ടയം മെഡിക്കൽ കോളേജ് ആശുപത്രിയിലേക്ക് മാറ്റുകയായിരുന്നു.