ബംഗളൂരു: മാധ്യമങ്ങളുമായി സംസാരിക്കുന്നതിനിടെ ജെഡിഎസ് നേതാവും കേന്ദ്രമന്ത്രിയുമായ കുമാരസ്വാമിയുടെ മൂക്കില്‍ നിന്ന് രക്തസ്രാവം. ബംഗളൂരു ഗോള്‍ഡ് ഫിഞ്ച് ഹോട്ടലില്‍ ബിജെപി-ജെഡിഎസ് പദയാത്രയെ കുറിച്ച് മാധ്യമങ്ങളോട് സംസാരിക്കുന്നതിനിടെ ആയിരുന്നു സംഭവം.
കുമാരസ്വാമിയെ ഉടന്‍ തന്നെ സമീപത്തെ ആശുപത്രിയില്‍ പ്രവേശിപ്പിച്ചതായി ബന്ധപ്പെട്ടവര്‍ അറിയിച്ചു. ബിജെപി-ജെഡിഎസ് ഏകോപന സമിതി യോഗത്തില്‍ കോണ്‍ഗ്രസ് സര്‍ക്കാരിനെതിരെ ബംഗളൂരുവില്‍ നിന്ന് മൈസൂരിലേക്ക് പദയാത്ര നടത്താനും അഴിമതി ആരോപണങ്ങള്‍ ഉയര്‍ത്തിക്കാട്ടാനും തീരുമാനിച്ചിരുന്നു.
ഇക്കാര്യം മാധ്യമങ്ങളോട് സംസാരിക്കുന്നതിനിടയില്‍ മന്ത്രിയുടെ മൂക്കില്‍ നിന്ന് രക്തം വരുകയായിരുന്നു. ദൃശ്യങ്ങളില്‍ കുമാരസ്വാമിയുടെ ഷര്‍ട്ടില്‍ രക്തം വീണതും കണാമായിരുന്നു. കുമാരസ്വാമിയുടെ ആരോഗ്യനിലയെ കുറിച്ചുള്ള വിശദാംശങ്ങള്‍ പുറത്തുവന്നിട്ടില്ല. മാര്‍ച്ച് അടുത്ത ശനിയാഴ്ച ആരംഭിക്കും. മൈസൂരിലെത്താന്‍ ഏഴ് ദിവസമെടുക്കും. ഓഗസ്റ്റ് 3 ന് ആരംഭിച്ച് ഓഗസ്റ്റ് 10 ന് അവസാനിക്കും.
