കടപ്പ : നാടിനെ ഞെട്ടിച്ച മംഗലാപുരത്തെ ആഡംബര വില്ലുകളിൽ നിന്ന് സ്വർണ്ണം കവർന്ന, സ്വന്തമായി 4 ആഡംബര ഫ്ലാറ്റുകളുള്ള അന്തർദേശീയ മോഷ്ടാവ് പിടിയിൽ.
ആന്ധ്രപ്രദേശ് വിശാഖപട്ടണം സ്വദേശി സ്പെടർ സുരേഷ് എന്ന കാരിഷെട്ടി ബാബു (36) ആണ് പോലീസിന്റെ പിടിയിലായത്. ജൂൺ രണ്ടിന് മോഷണം നടത്തിയ പ്രതിയെ ആന്ധ്രപ്രദേശിലെ കടപ്പയിൽ ചെന്ന് കേരള പോലീസ് ആണ് പിടികൂടിയത്.
ദക്ഷിണേന്ത്യൻ സംസ്ഥാനങ്ങളിൽ നിരവധി കേസിൽ പ്രതിയാണ് ഇയാൾ . കവർച്ച നടത്തി വിൽക്കുന്ന പണം കൊണ്ട് ആഡംബര ജീവിതം നയിക്കുന്നതാണ് ഇയാളുടെ രീതി.
ആറ്റിങ്ങൽ ഡിവൈഎസ്പി പ്രദീപ് കുമാർ , മംഗലാപുരം എസ് എച്ച് ഒ മുഹമ്മദ് ഷാഫി , കഠിനംകുളം എസ് ഐ ഷിജു, അടങ്ങുന്ന പോലീസ് സംഘമാണ് പ്രതിയെ പിടികൂടിയത്
