നക്ഷത്രഫലം
ജൂൺ രണ്ട് മുതൽ എട്ടുവരെ
തയാറാക്കിയത്:- സജീവ് വി ശാസ്താരം, പെരുന്ന, ചങ്ങനാശേരി
ഫോൺ : 96563 77700
അശ്വതി : പൊതുരംഗത്തു പ്രവർത്തിക്കുന്നവർക്ക് പ്രശസ്തി. മനസിനു സന്തോഷം നല്കുന്ന വാർത്തകൾ കേൾക്കുവാൻ സാധിക്കും. സഹോദരങ്ങൾക്ക് ഉയർച്ച ഉണ്ടാകും. പുണ്യസ്ഥല സന്ദർശനം ഉണ്ടാകും. ഒന്നിലധികം തവണ യാത്രകൾ വേണ്ടിവരും.
ഭരണി : പണമിടപാടുകളിൽ കൃത്യത പുലർത്തും . കടം നൽകിയ പണം തിരികെ ലഭിക്കും.അപ്രതീക്ഷിതമായ ഭാഗ്യാനുഭവം. ഗൃഹനിർമ്മാണം പൂർത്തീകരിക്കും . വിദേശത്തുനിന്ന് നാട്ടിൽ തിരിച്ചെത്താൻ സാധിക്കും.
കാർത്തിക : കലാരംഗത്തു പ്രവർത്തിക്കുന്നവർക്ക് പ്രശസ്തി. വ്യവഹാരവിജയം നേടും , ദാമ്പത്യജീവിത വിജയം വിശ്രമം കുറഞ്ഞിരിക്കും, കലഹ പ്രവണത ഏറിയിരിക്കും.
രോഹിണി : ബന്ധുക്കളിൽ നിന്നുള്ള അനുഭവ ഗുണമുണ്ടാകും . ഗൃഹോപകരണങ്ങൾ വാങ്ങും. കുടുംബത്തിൽ നിലനിന്നിരുന്ന അസ്വസ്ഥതകൾ ശമിക്കും. തീര്ത്ഥയാത്രകള് നടത്തും. പുതിയ ഭൂമി വാങ്ങുവാൻ തീരുമാനമെടുക്കും .
മകയിരം : ഉദ്യോഗാർത്ഥികൾക്ക് അനുകൂല സമയം .. താല്ക്കാലിക ജോലികള് സ്ഥിരപ്പെടും. വ്യാപാര രംഗത്ത് വിജയം.ഔദ്യോഗികമായ നേട്ടം കൈവരിക്കും. അനുകൂല സ്ഥലംമാറ്റം ആഗ്രഹിച്ചിരുന്നവർക്ക് കാര്യവിജയം, ആരോഗ്യനില തൃപ്തികരമാകും.
തിരുവാതിര : ശത്രുക്കളുടെ വിരോധം ശമിക്കും . ദൂരയാത്രകൊണ്ട് ഗുണമുണ്ടാകും. പ്രണയസാഫല്യം. പുതിയ ബിസിനസ്സിൽ പണം മുടക്കും , ആഡംബരവസ്തുക്കൾ , വിലപിടിപ്പുള്ള വസ്തുക്കൾ ഇവ സമ്മാനമായി ലഭിക്കും.
പുണർതം : അനാവശ്യ ഭീതികളിൽനിന്ന് മോചനം. വാഹനയാത്രകൾ കൂടുതലായി വേണ്ടിവരും. ഔദ്യോഗിക രംഗത്ത് ഉയർച്ച , സ്ഥലം മാറ്റം എന്നിവയ്ക്കു സാധ്യത. ബന്ധുക്കൾ വഴി കാര്യസാദ്ധ്യം . ഗൃഹോപകരണങ്ങൾ മാറ്റി വാങ്ങുവാൻ സാധിക്കും.
പൂയം : പൊതുപ്രവർത്തന വിജയം നേടും. കുടുംബത്തിൽ നിലനിന്നിരുന്ന കലുഷിതാന്തരീക്ഷം ശമിക്കും. വിദേശയാത്രയ്ക്കുള്ള ശ്രമം വിജയിക്കും.തർക്കങ്ങളിൽ മദ്ധ്യസ്ഥം വഹിക്കും , കുടുംബത്തിൽ ശാന്തതയുണ്ടാകും.
ആയില്യം : രോഗദുരിതങ്ങളിൽനിന്ന് മോചനം. പുതിയ ഗൃഹോപകരണങ്ങൾ വാങ്ങും. സ്വന്ത പ്രയത്നം കൊണ്ട് തടസങ്ങൾ തരണം ചെയ്യും.. വാസഗൃഹമാറ്റം ഉണ്ടകാനിടയുണ്ട്. അനീതിക്കെതിരെ പ്രവര്ത്തിക്കും. ധനാഗമ മാർഗ്ഗം പുഷ്ടിപ്പെടും.
മകം : തൊഴിൽ രംഗത്തു മികവു പുലർത്തും . കുടുംബത്തിൽ ശാന്തതയുണ്ടാകും. രോഗദുരിതങ്ങളിൽ നിന്ന് മോചനം. പുതിയ ഗൃഹോപകരണങ്ങൾ വാങ്ങും. സ്വന്ത പ്രയത്നം കൊണ്ട് തടസങ്ങൾ തരണം ചെയ്യും. ഭക്ഷണത്തിൽ നിന്ന് അലർജിക്ക് സാദ്ധ്യത .
പൂരം : കഴിവുകൾക്ക് അംഗീകാരം ലഭിക്കും. വാസഗൃഹമാറ്റം ഉണ്ടകാനിടയുണ്ട്. ഔഷധ സേവാ വേണ്ടിവരും, സുഹൃത്തുക്കളുടെ സഹായം ലഭിക്കും, പ്രണയഭംഗത്തിനു സാദ്ധ്യത .
ഉത്രം : ബന്ധുക്കൾ വഴി കാര്യസാദ്ധ്യം . ബിസിനസിൽ അവിചാരിത നേട്ടം. കടം നല്കിയിരുന്നു പണം തിരികെ കിട്ടും. കുടുംബത്തിൽ നിന്ന് അകന്നു താമസിക്കേണ്ടിവരും , വിദേശയാത്രയ്ക്കുള്ളു ശ്രമം വിജയിക്കും.
അത്തം : ഗൃഹനിർമ്മാണത്തിൽ പുരോഗതി. വാക്കുതർക്കങ്ങളിൽ ഏർപ്പെട്ട് മനോവിഷമം .പലതരത്തിലുള്ള സാമ്പത്തിക വിഷമതകൾ അനുഭവിക്കും. ധനസമ്പാദനത്തിനുള്ള ശ്രമങ്ങൾ പരാജയപ്പെടും.
ചിത്തിര : തൊഴിൽ രംഗത്ത് പലതരത്തിലുള്ള ബുദ്ധിമുട്ടുകൾ നേരിടും. ജീവിത പങ്കാളിക്ക് രോഗദുരിതസാദ്ധ്യത , . പ്രവർത്തനങ്ങളിൽ അലസത വർദ്ധിക്കും . സാഹിത്യരംഗത്തു പ്രവർത്തിക്കുന്നവർക്ക് പുരസ്കാരങ്ങൾ ലഭിക്കും.
ചോതി : വളരെക്കാലമായി ആഗ്രഹിക്കുന്ന കാര്യം നിറവേറും. പുതിയ സുഹൃദ്ബന്ധങ്ങൾ ഉണ്ടാകും. വിവാഹക്കാര്യത്തിൽ തീരുമാനം. വിദ്യാർഥികൾക്ക് ഉപരിപഠനത്തിന് സാധ്യത.
വിശാഖം : ആഡംബര വസ്തുക്കൾക്കായി യി പണം ചെലവിടും. കലാരംഗത്തു പ്രശസ്തി വർദ്ധിക്കും. വിദേശത്തുനിന്നു തിരികെ നാട്ടിൽ എത്താൻ സാധിക്കും. ജോലിയുടെ ഭാഗമായി നിരവധി യാത്രകൾ നടത്തേണ്ടിവരും.
അനിഴം : അവസരത്തിനൊത്തു പ്രവർത്തിക്കുന്നതിലൂടെ മികച്ച കാര്യവിജയം . കടം നല്കിയ പണം തിരികെ കിട്ടുന്നതിന് കലഹിക്കേണ്ടി വരും, സർക്കാരിൽ നിന്നും ആനുകൂല്യങ്ങൾ ലഭിക്കും, പ്രണയബന്ധങ്ങൾക്ക് അംഗീകാരം കിട്ടും . ബിസിനസ്സിൽ അവിചാരിത നേട്ടം.
തൃക്കേട്ട : വ്യവഹാര വിജയം. മേലധികാരികളുടെ പ്രീതി സമ്പാദിക്കും . പുണ്യസ്ഥലങ്ങൾ സന്ദർശിക്കും. സഹോദരസ്ഥാനീയരിൽനിന്നും ഗുണാനുഭവം. വിദ്യാർഥികൾക്കു മത്സരപ്പരീക്ഷകളിൽ ഉന്നത വിജയം.
മൂലം : ഔദ്യോഗികരംഗത്ത് അംഗീകാരം. വിവാഹക്കാര്യത്തിൽ ഉചിതമായ തീരുമാനമെടുക്കും. കർമ്മരംഗം പുഷ്ടിപ്പെടും. മംഗളകർമ്മങ്ങളിൽ പങ്കെടുക്കും. ഇരുചക്രവാഹനം വാങ്ങുന്നതിന് യോഗം . ആഗ്രഹങ്ങൾ സഫലമാകും.
പൂരാടം : വസ്ത്രാഭരണങ്ങൾക്കായി പണം ചെലവിടും. യാത്രകൊണ്ട് നേട്ടം പ്രതീക്ഷിക്കാം. കുടുംബത്തില് സമാധാനാന്തരീക്ഷം സംജാതമാകും. സന്താനഗുണം വർദ്ധിക്കും . പരീക്ഷകളിൽ വിജയം. മേലധികാരികളുടെ പ്രീതി സമ്പാദിക്കും .
ഉത്രാടം :രോഗശമനമുണ്ടാകും. കലാകായിക രംഗങ്ങളിൽ പ്രവർത്തിക്കുന്നവർക്കും സാമൂഹിക സേവനത്തിൽ പ്രവർത്തിക്കുന്നവർക്കും പ്രശസ്തി. സർക്കാരിൽനിന്ന് ആനുകൂല്യങ്ങൾ ലഭിക്കും. വിദ്യാർഥികൾക്ക് പരീക്ഷകളിൽ ഉന്നതവിജയം.
തിരുവോണം : ഭൂമി ഇടപാടിൽ ലാഭം പ്രതീക്ഷിക്കാം. വിവാഹം ആലോചിക്കുന്നവർക്ക് ഉത്തമബന്ധം ലഭിക്കും. സുഹൃദ് സമാഗമം ഉണ്ടാകും. ബിസിനസിൽനിന്നു നേട്ടം. മനസുഖം വർദ്ധിക്കും . അലങ്കാര വസ്തുക്കളുടെ വിൽപ്പനയിൽ നിന്നു ധനലാഭം.
അവിട്ടം : ദീർഘദൂരയാത്രകൾ നടത്തേണ്ടിവരും. വാഹനസംബന്ധമായി പണച്ചെലവ് . ഏറ്റെടുത്ത കാര്യങ്ങൾ ഭംഗിയായി പൂർത്തീകരിക്കുവാൻ സാധിക്കും. സഹോദരഗുണമുണ്ടാകും. പിതാവിൽ നിന്ന് ആനുകൂല്യങ്ങൾ.
ചതയം : സുഹൃത്തുക്കൾ വഴി നേട്ടമുണ്ടാകും. ഭൂമി വിലപ്പനയിലൂടെ വിജയം. വിദ്യാർത്ഥികൾക്ക് ഉപരിപഠനത്തിന് സാധ്യത. നിക്ഷേപ ങ്ങളിൽ നിന്ന് ധനലാഭം. കുടുംബത്തിൽ നിലനിന്നിരുന്ന അസ്വസ്ഥത ശമിക്കും.
പൂരുരുട്ടാതി : സ്വന്തം ഗൃഹത്തിൽ നിന്നും മാറി നില്ക്കേണ്ടിവരും. രോഗശമനം ഉണ്ടാകും. ഗൃഹനിർമ്മാണം പുരോഗമിക്കും. വിദേശത്തുപോകാൻ ശ്രമിക്കുന്നവർക്ക് അതു സാധിക്കും. സാമ്പത്തിക സ്ഥിതി മെച്ചപ്പെടും.
ഉത്രട്ടാതി : പ്രവർത്തനരംഗത്ത് ശോഭിക്കും. ആലോചിക്കാതെ ചെയ്തുപോയ കാര്യങ്ങൾ മൂലം വിഷമിക്കേണ്ടിവരും .പുതിയ സംരംഭങ്ങളിൽ ഏർപ്പെട്ട് വിജയം കൈവരിക്കും, മേലുദ്യോഗസ്ഥരുടെ അംഗീകാരവും അഭിനന്ദനവും നേടും .
രേവതി : പുണ്യ സ്ഥലങ്ങൾ സന്ദർശിക്കും , സത്കർമ്മങ്ങളിൽ താല്പര്യം വർധിക്കും . ശത്രുക്കൾക്കു മേൽ വിജയം. തൊഴില്മേഖലയിൽ അഭിവൃദ്ധി, ഉദ്യോഗക്കയറ്റം പ്രതീക്ഷിക്കാം. ധനപരമായി അനുകൂല സമയം.
