ബാങ്കോക്ക്: ഒളിംപിക്സിനൊരുങ്ങുന്ന മറ്റ് ടീമുകള്ക്കു മുന്നറിയിപ്പുമായി ഇന്ത്യയുടെ സാത്വിക് സായ്രാജ് റാന്കിറെഡ്ഡി- ചിരാഗ് ഷെട്ടി സഖ്യം. ഇരുവരും ചേര്ന്ന സൂപ്പര് ജോഡി തായ്ലന്ഡ് ഓപ്പണ് സൂപ്പര് 500 ബാഡ്മിന്റണ് പോരാട്ടത്തില് കിരീടം സ്വന്തമാക്കി.
ഫൈനലില് ചൈനയുടെ ചെന് ബോ യങ്- ലിയു യി സഖ്യത്തെ വീഴ്ത്തിയാണ് ഇന്ത്യന് സഖ്യത്തിന്റെ കിരീട നേട്ടം. സ്കോര്: 21-15, 21-15 എന്ന സ്കോറിനു അനായാസ മുന്നേറ്റമാണ് സഖ്യം നടത്തിയത്. 46 മിനിറ്റുകള് മാത്രമാണ് മത്സരം നീണ്ടത്..
കരിയറില് സൂപ്പര് സഖ്യം സ്വന്തമാക്കുന്ന രണ്ടാം തായ്ലന്ഡ് ഓപ്പണ് കിരീടമാണിത്. നേരത്തെ 2019ലാണ് സാത്വിക്- ചിരാഗ് സഖ്യം ഇവിടെ ആദ്യമായി ചാമ്പ്യന്മാരായത്.
