കോഴിക്കോട് : പന്തീരാങ്കാവില് നവവധുവിനെ ഭര്തൃഗൃഹത്തില് മര്ദ്ദിച്ച സംഭവത്തില് പോലീസിനെതിരെ കേസെടുത്തു. മനുഷ്യാവകാശ കമ്മീഷനാണ് പൊലീസിനെതിരെ കേസെടുത്തത്. നവവധുവിന്റെ പരാതിയിലാണ് നടപടി.
സംഭവത്തില് പരാതിപ്പെട്ടിട്ടും യഥാസമയം കേസെടുക്കാത്ത പന്തീരാങ്കാവ് പൊലീസിനെതിരെയാണ് മനുഷ്യാവകാശ കമ്മീഷന് കേസെടുത്തത്. പന്തീരാങ്കാവ് സ്റ്റേഷനില് പരാതി നല്കിയെങ്കിലും അതില് പറഞ്ഞ പല മൊഴികളും എഫ് ഐ ആറില് പറയുന്നില്ലന്നും സ്റ്റേഷനില് എത്തിയപ്പോള് പ്രതിയായ രാഹുലിന്റെ തോളത്ത് പൊലീസ് കൈയിട്ട് നില്ക്കുന്ന കാഴ്ചയാണ് കാണാന് കഴിഞ്ഞതെന്നും യുവതി പറഞ്ഞു.
കേസെടുക്കാന് കോഴിക്കോട് പന്തീരാങ്കാവ് പൊലീസ് വൈകിയ സാഹചര്യം ഉള്പ്പെടെ ചൂണ്ടിക്കാട്ടി മുഖ്യമന്ത്രിക്കും വനിതാ കമ്മീഷനും പെണ്കുട്ടിയുടെ കുടുംബം പരാതി നൽകിയിട്ടുണ്ട് . സംഭവം വിവാദമായതോടെ പൊലീസിനെരിരെ രൂക്ഷ വിമര്ശനം ഉയര്ന്നിരുന്നു. ഇതോടെ സംഭവത്തില് ഭര്ത്താവ് രാഹുലിനെതിരെ വധശ്രമത്തിന് പൊലീസ് കേസെടുത്തിട്ടുണ്ട്.
