കോഴിക്കോട് :പാനൂരിലെ ബോംബ് നിര്മ്മാണവുമായി പാര്ട്ടിക്ക് ഒരു ബന്ധവുമില്ലെന്ന് എം.വി ഗോവിന്ദന് പറഞ്ഞതിന് പിന്നാലെയാണ് സി.പി.എം പ്രാദേശിക നേതാക്കള് ബോംബ് നിര്മ്മാണത്തിനിടെ കൊല്ലപ്പെട്ടയാളുടെ വീട്ടിലെത്തിയത് എന്ന് പ്രതിപക്ഷനേതാവ് വി ഡി സതീശൻ പറഞ്ഞു.
ടി.പി ചന്ദ്രശേഖരന് കൊലക്കേസിലും സി.പി.എം ഇതുതന്നെയാണ് ചെയ്തത്.
കൊലപാതകത്തില് ഒരു ബന്ധവുമില്ലെന്ന് പറയുമ്പോഴാണ് മുഖ്യമന്ത്രിയും സംസ്ഥാന നേതാക്കളും കൊലയാളികള്ക്ക് രക്ഷാകവചമൊരുക്കിയത്.
ബോംബ് നിര്മ്മിക്കുന്നതിനിടെ ഒരാള് കൊല്ലപ്പെട്ട സാഹചര്യത്തില് യഥാര്ത്ഥത്തില് ആരായിരുന്നു ലക്ഷ്യമെന്ന് വ്യക്തമാക്കാന് സി.പി.എം തയാറാകണമെന്നദ്ദേഹം പറഞ്ഞു.
ഞങ്ങളുടെ ചോദ്യത്തിന് മറുപടി പറയാനുള്ള ബാധ്യത, ബോംബ് നിര്മ്മിച്ചയാള്ക്കൊപ്പം ഫോട്ടോക്ക് പോസ് ചെയ്ത വടകരയിലെ എല്.ഡി.എഫ് സ്ഥാനാര്ത്ഥിക്കുമുണ്ടെന്നും വി.ഡി. സതീശൻ പറഞ്ഞു.
തിരഞ്ഞെടുപ്പ് ആയതുകൊണ്ട് മാത്രമാണ് ബോംബ് നിര്മ്മിച്ചവരെ സി.പി.എം തള്ളിപ്പറഞ്ഞത്. തിരഞ്ഞെടുപ്പ് കഴിഞ്ഞാല് കൊല്ലപ്പെട്ടയാള് പാര്ട്ടിയുടെ രക്തസാക്ഷിയാകും. മുന്കാല അനുഭവങ്ങളും അങ്ങനെയാണ്.
തിരഞ്ഞെടുപ്പ് കഴിഞ്ഞാല് പാനൂരിൽ ബോംബ് നിർമ്മാണത്തിനിടെ കൊല്ലപ്പെട്ടയാള് രക്തസാക്ഷിയാകും: വി. ഡി. സതീശൻ
