തിരുവനന്തപുരം : മുഖ്യമന്ത്രി പിണറായി വിജയനും മകള്‍ ടി. വീണയ്ക്കുമെതിരെ മാത്യു കുഴല്‍നാടൻ എം.എല്‍.എ നല്‍കിയ ഹർജിയില്‍ ഇന്ന് തിരുവനന്തപുരം വിജിലൻസ് കോടതി വിധി പറയും.
കേസ് തള്ളണമെന്നാണ് വിജിലൻസ് വാദം.
കരിമണല്‍ ഖനനത്തിന് സി.എം.ആര്.എല്‍ കമ്പനിക്ക് വഴിവിട്ട് സഹായം നല്‍കിയെന്നും പ്രത്യുപകാരമായി മുഖ്യമന്ത്രിയുടെ മകള്‍ക്ക് സി.എം.ആര്.എല്‍ കമ്പനി മാസപ്പടി കൊടുത്തുവെന്നുമാണ് മാത്യു കുഴല്‍നാടന്റെ ആരോപണം.
ഇതില്‍ താൻ നല്‍കിയ പരാതിയില്‍ വിജിലൻസ് നടപടിയെടുത്തില്ലെന്ന് ചൂണ്ടിക്കാട്ടിയാണ് ഹരജി. മൂന്ന് ഘട്ടങ്ങളിലായി വാർത്താസമ്മേളനങ്ങളില്‍ ഉന്നയിച്ച ആരോപണങ്ങള്‍ എല്ലാം അന്വേഷിക്കണമെന്ന് ആവശ്യപ്പെട്ടായി രുന്നു പരാതി. രേഖകള്‍ സഹിതമാണ് അദ്ദേഹം വിജിലൻസിന് പരാതി സമർപ്പിച്ചത്.
എന്നാല്‍, ഈ ഹർജി നിലനില്‍ക്കില്ലെന്നും ആദായ നികുതി സെറ്റില്‍മെന്റ് ബോര്‍ഡിന്റെ തീരുമാനം വിജിലൻസിന്റെ പരിധിയില്‍ പരിശോധിക്കാനാകില്ലെ ന്നുമാണ് വിജിലൻസ് സ്വീകരിച്ച നിലപാട്.
മുഖ്യമന്ത്രി പിണറായി വിജയനും മകള്‍ ടി. വീണയ്ക്കും നിർണായകം; തിരുവനന്തപുരം വിജിലൻസ് കോടതി വിധി പറയും
