വീണ്ടും പടയപ്പ.. കാറും ഇരു ചക്രവാഹനവും ആക്രമിച്ചു

ഇടുക്കി : മൂന്നാറിൽ വീണ്ടും പടയപ്പയുടെ ആക്രമണം. നിർത്തിയിട്ടിരുന്ന കാറും ഇരു ചക്രവാഹനവും ആക്രമിച്ചു.

നയമക്കാട് വൈകിട്ട് അഞ്ചുമണിയോടെ റോഡരികിൽ നിർത്തിയിട്ട ബൈക്കും കാറും ആന ആക്രമിച്ചു. ആനയെ കണ്ടു വാഹന യാത്രക്കാർ ഓടി മാറിയതിനാൽ അപകടം ഒഴിവായി. സംഭവസമയം അതുവഴി എത്തിയ ട്രാക്ടറിന് നേരെയും കാട്ടാന പാഞ്ഞടുത്തിരുന്നു.

രാവിലെ നയമക്കാട് എസ്റ്റേറ്റ് റോഡിലും പടയപ്പ ഭീകരാന്തരീക്ഷം സൃഷ്ടിച്ചു. തമിഴ്നാട്ടിൽ നിന്ന് സിമൻറ് കയറ്റി വന്ന ലോറി ഒരു മണിക്കൂർ തടഞ്ഞുനിർത്തി. ആന ഇപ്പോഴും എസ്റ്റേറ്റ് മേഖലയിൽ തുടരുകയാണ്.