തൃശൂർ : നാട്ടിക നിയോജക മണ്ഡലത്തില് തിരഞ്ഞെടുപ്പ് പ്രചാരണവുമായി മൂന്ന് മുന്നണികളും സജീവമാണ്. 2011 മുതല് ഇടതുപക്ഷം ജയിച്ചുവരുന്ന മണ്ഡലം. എന്നാല് ഇത്തവണ തിരഞ്ഞെടുപ്പിന് മുമ്പേ നാട്ടിക വാര്ത്തകളില് ഇടംപിടിച്ചത് സിറ്റിംഗ് എംഎല്എയും സിപിഐ നേതാവുമായ സി.സി. മുകുന്ദന്റെ കൂടുമാറ്റത്തിലാണ്.
സിപിഐ വിട്ട് ബിജെപിയില് ചേര്ന്ന സി.സി. മുകുന്ദനാണ് ഇത്തവണ നാട്ടികയില് എന്ഡിഎ സ്ഥാനാര്ഥി. അതേസമയം, 2011, 2016 തെരഞ്ഞെടുപ്പുകളില് വിജയിച്ച് എംഎല്എയായ ഗീതാ ഗോപിയെയാണ് ഇടതുപക്ഷം ഇത്തവണ കളത്തിലിറക്കിയിരിക്കുന്നത്. ഇന്ത്യന് നാഷണല് കോണ്ഗ്രസിന്റെ അഡ്വ. സുനില് ലാലൂരാണ് നാട്ടികയിലെ യുഡിഎഫ് സ്ഥാനാര്ത്ഥി .
