കിളിമാനൂർ : പന്നിഫാം ഉടമയെ ക്രൂരമായി മർദ്ദിച്ച കേസിലെ പ്രതികൾ അറസ്റ്റിൽ. മടവൂർ വില്ലേജിൽ പനപ്പാംകുന്ന് ചരുവിള വീട്ടിൽ ഗണപതി എന്ന് വിളിക്കുന്ന ബിനു ( 36), കിളിമാനൂർ പനപ്പാംകുന്ന് തൊടിയിൽ വീട്ടിൽ വിശ്വം എന്ന് വിളിക്കുന്ന ലിനിൻ കുമാർ (36 ), പനപ്പാംകുന്ന് തൊടിയിൽ വീട്ടിൽ കുട്ടത്തി എന്ന് വിളിക്കുന്ന അനിൽകുമാർ ( 30 ) എന്നിവരെയാണ് കിളിമാനൂർ പൊലീസ് അറസ്റ്റ് ചെയ്തത്.
പാരിപ്പള്ളി റോസ് ലാൻഡിൽ ബൈജുവിനെയാണ് ക്രൂരമായി മർദ്ദിച്ച് അവശനാക്കിയത്. ഞായറാഴ്ച വൈകിട്ടാണ് സംഭവം. ബൈജു പനപ്പാംകുന്നിൽ നടത്തിവന്നിരുന്ന പന്നിഫാമിൽ വേസ്റ്റ് കൊണ്ടുവരുന്നുവെന്ന് ആരോപിച്ച് മുമ്പും പ്രശ്നങ്ങൾ ഉണ്ടാക്കിയിരുന്ന പ്രതികൾ സംഘടിച്ച് എത്തി ഉടമയായ ബൈജുവിനെ ആക്രമിക്കുകയായിരുന്നുവെന്ന് പോലീസ് പറഞ്ഞു .
സംഭവത്തിന് ശേഷം ഒളിവിലായിരുന്ന പ്രതികളെ കിളിമാനൂർ സി.ഐ ബി. ജയൻ, എസ്. ഐ മാരായ വിജിത്ത് കെ നായർ, രാജീ കൃഷ്ണ, എസ്. സി.പി. ഒ ഷിജു ,സി.പി.ഒ മാരായ കിരൺ, ശ്രീരാജ് എന്നിവരടങ്ങുന്ന സംഘമാണ് പിടികൂടിയത്.
