ആലപ്പുഴ: തനിക്ക് ലഭിച്ച പത്മഭൂഷണ് സമുദായത്തിന് കിട്ടിയ അവാര്ഡ് ആയിട്ടാണ് കണക്കാക്കുന്നതെന്ന് എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശന്.
വിവാദങ്ങള് തന്റെ ചുമലിലെ വേതാളം ആണെന്നും എന്തെല്ലാം വിവാദങ്ങള് ഉണ്ടായാലും അവസാനം അത് പൂമാലയാകാറുണ്ടെന്നും വെള്ളാപ്പള്ളി നടേശന് പറഞ്ഞു.
തനിക്ക് പത്മഭൂഷണ് ലഭിച്ചതില് നല്ലതും ചീത്തയും പറയുന്നവര് ഉണ്ട്. ശരിയെന്ന് തോന്നുന്നതേ പ്രവര്ത്തിച്ചിട്ടുള്ളൂ. മമ്മൂട്ടിക്കും, തനിക്കും പുരസ്കാരം ലഭിച്ചു. അഭിനയ പാഠവത്തിനുള്ള അംഗീകാരമായാണ് മമ്മൂട്ടിക്ക് പുരസ്കാരം ലഭിച്ചതെങ്കില് സംഘടനാ പ്രവര്ത്തനവും ക്ഷേമപ്രവര്ത്തനവും കണക്കിലെടുത്താണ് തനിക്ക് അവാര്ഡ് ലഭിച്ചതെന്ന് വെള്ളാപ്പള്ളി നടേശന് പറഞ്ഞു.
എസ്എന്ഡിപി ഐക്യം മുന്നോട്ടുവെച്ചത് തെരഞ്ഞെടുപ്പ് സ്റ്റണ്ട് ആയിട്ടല്ലെന്നും വെള്ളാപ്പള്ളി നടേശന് പറഞ്ഞു. ഐക്യത്തിൽ നിന്നും പിന്മാറുന്നതായി എൻഎസ്എസ് ജനറൽ സെക്രട്ടറി പറഞ്ഞത് അവരുടെ ഡയറക്ടർ ബോർഡ് തീരുമാനം ആണ്. ആ ഉത്തരവാദിത്വം ആണ് സുകുമാരൻ നായർ നിർവഹിച്ചത്. അതിനുള്ള ബാധ്യത അദ്ദേഹത്തിന് ഉണ്ടെന്നും വെള്ളാപ്പള്ളി പറഞ്ഞു.
