നെടുങ്കണ്ടം: ഇൻസ്റ്റഗ്രാം വഴി പരിചയപെട്ട 14കാരിയെ പീഡിപ്പിക്കാൻ ശ്രമിച്ച യുവാവ് പിടിയിൽ. തിരൂർ സ്വദേശി മുഹമ്മദ് ഇസ്മായിലാണ് പെൺകുട്ടിയെ പീഡിപ്പിക്കാൻ ശ്രമിച്ചത്. വിവാഹിതനായ ഇയാൾ, അവിവാഹിതനെന്ന് പറഞ്ഞാണ് പെൺകുട്ടിയുമായി സൗഹൃദം സ്ഥാപിച്ചത്.
ഏതാനും മാസം മുമ്പാണ് ഇയാൾ ഇൻസ്റ്റഗ്രാം വഴി പെൺകുട്ടിയുമായി പരിചയത്തിലായത്. തുടർച്ചയായി ചാറ്റ് ചെയ്ത്, കൂടുതൽ അടുപ്പം ഉണ്ടാക്കി. കഴിഞ്ഞ ദിവസം തിരൂരിൽ നിന്ന് നെടുങ്കണ്ടത്ത് എത്തിയ മുഹമ്മദ് ഇസ്മായിൽ, പെൺകുട്ടിയെ വിളിച്ചുവരുത്തി. തുടർന്ന് പീഡിപ്പിക്കാൻ ശ്രമിക്കുകയായിരുന്നു.
എന്നാൽ കുട്ടിയെ കാണാതായതോടെ മാതാപിതാക്കൾ നെടുങ്കണ്ടം പൊലീസിൽ പരാതി നൽകി. തുടർന്ന് സൈബർ സെല്ലിന്റെ സഹായത്തോടെ നടത്തിയ അന്വേഷണത്തിന് ഒടുവിലാണ് പെൺകുട്ടിയെ കണ്ടെത്തിയതും പ്രതിയെ പിടികൂടിയതും. തിരൂരിൽ ലൈറ്റ് ആൻഡ് സൗണ്ട് സ്ഥാപനത്തിൽ ജോലി ചെയ്യുന്ന മുഹമ്മദ് ഇസ്മായിൽ വിവാഹിതനും രണ്ട് കുട്ടികളുടെ അച്ഛനുമാണ്. ഇത് മറച്ചുവെച്ചായിരുന്നു പെൺകുട്ടിയുമായി സൗഹൃദം സ്ഥാപിച്ചത്.
ഇൻസ്റ്റഗ്രാം വഴി സൗഹൃദം… ഭാര്യയും കുട്ടികളുമുള്ളത് മറച്ചുവെച്ചു… 14കാരിയെ പീഡിപ്പിക്കാൻ ശ്രമിച്ച യുവാവ് പിടിയിൽ
